Solskjær i hapur për rikthim te Manchester United si trajner i përkohshëm
Botuar nga Drin Zenku
Ole Gunnar Solskjær ka shprehur interes për t’u rikthyer te Manchester United në rolin e trajnerit të përkohshëm (caretaker manager) deri në fund të sezonit aktual.
Burime pranë klubit bëjnë të ditur se drejtuesit e “Djajve të Kuq” janë informuar për gatishmërinë e Solskjær për të marrë drejtimin e skuadrës, pavarësisht kohëzgjatjes së kontratës së mundshme. Norvegjezi shihet si një opsion stabil për menaxhimin e situatës në afat të shkurtër, falë njohjes së thellë të klubit dhe ambientit në “Old Trafford”.
Aktualisht, Manchester United po merr kohën e nevojshme për të analizuar të gjithë kandidatët për postin e trajnerit të përkohshëm, ndërsa vendimi pritet në orët apo ditët në vijim.
Sipas planit të brendshëm të klubit, në rast të emërimit të një trajneri të përkohshëm, United synon të emërojë një trajner të përhershëm gjatë verës, i cili do të drejtojë skuadrën nga sezoni 2026/27.
Ndërkohë, për këtë javë, Darren Fletcher do të vazhdojë të ushtrojë detyrën e trajnerit interim.
Rikthimi i Solskjær në “Old Trafford” mbetet një skenar real.
Flaka
Botuar nga Drin Zenku
