Bejta në Çegran dhe Forinë: Investime konkrete për kulturë, sport, infrastrukturë dhe ekonomi

Botuar nga Flaka 7 Janar, 2026 23:02

Kandidati për kryetar komune, Nevzat Bejta, ka vijuar takimet me qytetarët në kuadër të fushatës zgjedhore, duke vizituar fillimisht vendbanimin e Çegranit, ku u takua me banorët për të dëgjuar kërkesat dhe pritshmëritë e tyre.

“Vijova takimet edhe me banorët e Çegranit, për të dëgjuar kërkesat e tyre dhe pritshmëritë nga unë,” u shpreh Bejta, duke theksuar se ky vendbanim tashmë ka përfituar nga projekte të rëndësishme infrastrukturore. Ai përmendi hapjen dhe asfaltimin e rrugës Çegran–Tumçevisht, rregullimin e Sallës Sportive, ndërsa paralajmëroi se në mandatin e ardhshëm do të ndërtohet edhe Pallati i Kulturës.

Duke folur për sportin dhe kulturën, Bejta theksoi se suksesi i KF Arsimit në ligën elitare të vendit është krenari për gjithë Çegranin dhe më gjerë.
“Ky klub do të financohet ashtu siç edhe e meriton, sepse po na përfaqëson me dinjitet në elitën e futbollit,” tha ai.
Po ashtu, ai premtoi përkrahje të vazhdueshme për SHKA “Jahi Hasani”, që sipas tij prezanton këngën, kulturën dhe traditat shqiptare në mbarë botën.

Në programin për Çegranin, Bejta theksoi edhe rikthimin e vëmendjes ndaj investimeve të reja, përmirësimin e higjienës publike me vendosjen e kontejnerëve nëntokësorë, përkujdesje më të madhe për hapësirat e gjelbra, si dhe masa për fuqizimin e ekonomisë vendore.
“Është koha ta fuqizojmë ekonominë lokale, të përkrahim bizneset vendase dhe të ulim papunësinë,” deklaroi Bejta.

Në vijim të ditës, kandidati për kryetar komune vizitoi edhe fshatin Forinë, ku bashkëbisedoi me banorët dhe shpalosi programin e tij zgjedhor.

“Takova sot banorët e Forinës, bashkëbisedova me ta dhe shpalosa programin tim zgjedhor. Për një vit do të realizohen 25 projekte, me fokus të veçantë në infrastrukturë, higjienën publike, arsimin dhe zhvillimin ekonomik,” tha Bejta.

Ai paralajmëroi se Forina do të lidhet me rrugë të re me qytetin e Gostivarit, çka do të lehtësojë ndjeshëm komunikacionin dhe qarkullimin në gjithë zonën.
“Pas 11 janarit na presin punë të mëdha, për një qytet me vendbanime funksionale dhe me kushte moderne,” përfundoi Bejta. Gazeta Flaka

Botuar nga Flaka 7 Janar, 2026 23:02

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.