Bora në Vrapçisht | Shabani: Janë pastruar rrugët në viset malore, po pastrohen ato urbane

Kryetari i komunës së Vrapçishtit, Isen Shabani përmes një postimi në profilin e ti ka ndarë informacionin se komuna që drejton është angazhuar me prioritet në pasrtimin e rrugëve në viset malore të komunës për të mundësuar lëvizjen e lirë të bashkëqytetarëve, ndërsa ka kërkuar nga qytetarët e komunës të kenë mirkuptim se po punohet edhe në pjesët urbane për pastrimin e dëborës por që komuna prioritet u dha këtë herë viseve malore. Shabani apeloi qytetarët të lëvizin me kujdes dhe në kushte dimërore, shkruan Top24

“Të nderuar qytetarë, Ju njoftoj se ekipet e pastrimit janë në terren. Prioritet u është dhënë rrugëve të zonave malore, ndërsa më pas do të vazhdohet në të gjithë territorin e komunës. Ju lutemi për mirëkuptim dhe kujdes gjatë lëvizjes”‘, shprehet Shabani.