Pse po na arrestojnë ushtarët?

Botuar nga Flaka 3 Qershor, 2025 10:55

Koment: Redaksia Flaka

Pas gati dy dekadash në arrati, shërbimet e sigurisë së Maqedonisë kanë lokalizuar dhe arrestuar Hamdi Bajramin, i njohur si “Komandant Breza”. Për të ishte lëshuar një urdhërarrest ndërkombëtar që nga viti 2003, raporton Flaka Media.

Bajrami, i regjistruar në dokumentet zyrtare si Bajramovski, ishte në kërkim nga Gjykata Themelore Shkup – II, për vepra penale sipas nenit 237 të Kodit Penal, si dhe për vepra të tjera të rënda.

Hamdi Bajrami është një nga figurat më të njohura të luftës së vitit 2001 në Maqedoninë e Veriut. Ai ishte një prej atyre ushtarëve që nuk kursyen as jetën e tyre në betejën për të drejtat e shqiptarëve, për barazi kombëtare dhe dinjitet.

Megjithatë, për më shumë se dy dekada, Bajrami ka jetuar në ilegalitet, duke u shpallur nga autoritetet maqedonase si “armiku më i rrezikshëm”. Kjo në kundërshtim me shumë luftëtarë të tjerë të vitit 2001, të cilët janë përfshirë në amnisti dhe janë integruar në jetën politike dhe shoqërore.

Pyetja që shumë të tjerë shtrojnë është: Përse Hamdi Bajrami nuk është amnistuar, ndërkohë që të tjerët janë liruar? Ku janë politikanët shqiptarë që dikur përfituan nga sakrificat e ushtarëve? Pse mungon vullneti politik për të njohur dhe përkrahur ata që luftuan për të drejtat e komunitetit shqiptar?

Hamdi Bajrami vazhdon të jetojë i ndjekur dhe larg një jete normale qytetare, ndërsa shumë presin një ditë kur edhe ai të shijojë lirinë e vërtetë dhe të përfshihet në proceset që formojnë të ardhmen e vendit.

Kjo ngjarje ngre nevojën për reflektim serioz mbi drejtësinë dhe trajtimin e luftëtarëve të drejtë pa përjashtime. Flaka Media

Botuar nga Flaka 3 Qershor, 2025 10:55

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.