Sot, opinioni publik është dëshmitar i një farse të re emërimesh

Botuar nga Flaka 9 Qershor, 2025 15:23

Zudi Xhelili / Opinion

Kjo që po ndodh sot në Maqedoninë e Veriut është një shfaqje e qartë e tendencës për të centralizuar pushtetin dhe për të rrudhur rolin e faktorit shqiptar në qeverisje, përmes zëvendësimeve që nuk reflektojnë vullnetin e komunitetit shqiptar dhe as barazinë në përfaqësim.

Sot, opinioni publik është dëshmitar i një farse të re emërimesh në institucionet qeveritare të Maqedonisë së Veriut, që vijnë si rezultat i zëvendësimit të kuadrove të Aleancës për Shqiptarët (ASH, pjesës së udhëhequr nga z. Arben Taravari.

Ajo që bie në sy nuk është thjesht rikonfigurimi formal i posteve, por mënyra e zgjedhjes së emrave: figura të kontestuara, pa legjitimitet publik dhe me lidhje të drejtpërdrejta personale apo politike me Kryeministrin aktual.

Ky është një sinjal shqetësues për gjithë procesin demokratik dhe për respektimin e barazisë ndëretnike në vend. Këto veprime përfaqësojnë një politikë të përjashtimit të heshtur ndaj faktorit shqiptar dhe synojnë asimilimin e përfaqësimit shqiptar përmes figurave të kontrolluara, jo të përzgjedhura nga komuniteti shqiptar.

Kjo situatë nuk mund të kalojë pa një reagim serioz e të koordinuar të gjithë spektrit politik shqiptar, pa dallim partie. Shqiptarët nuk mund të pranojnë që të reduktohen në spektatorë në vendin ku janë bashkëthemelues dhe faktor shtetformues.

Duhet ngritur zëri, në opinionin publik, për të denoncuar përjashtimin sistematik; Gjithashtu në instancat ndërkombëtare, për të kërkuar garanci për përfaqësim të barabartë. Pra, në vend të mbylljes, Koha e heshtjes ka kaluar. Nëse lejojmë që pushteti të ndjekë këtë kurs pa rezistencë, rrezikojmë jo vetëm të humbasim peshën politike të shqiptarëve në Maqedoninë e Veriut, por edhe të kompromentojmë stabilitetin ndëretnik në vendin tonë.

Botuar nga Flaka 9 Qershor, 2025 15:23

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.