Flaka thumbon: Qeverisje e mirë… me tym! Arben Fetai, zëvendëskryeministër i duhanit…

Arben Fetai, zëvendëskryeministër për “qeverisje të mirë”, duket se po sjell risi në administratë: qeverisje me tym duhani dhe propagandë partiake nga emaili zyrtar!

Pasi u kap duke shpërndarë kumtesa partiake nga adresa qeveritare, tani paparacët zbuluan edhe një tjetër “reformë”: Fetai pi cigare në zyrë, në shkelje të plotë të Ligjit për mbrojtje nga duhani.

Pra, në vend që të “shuhen” padrejtësitë, digjet cigareja. Në vend të politikave, mbushet ajri me nikotinë.

Sipas ligjit, për këtë shkelje parashikohet gjobë nga 100 deri në 300 euro për personin fizik. Por kur je zyrtar i lartë dhe tymi jot është “politik”, duket se ligji zbehet si tymi në korridor.

Në këtë “qeverisje të mirë”, shkeljet e ligjit nuk janë për t’u hetuar, por për t’u pasur me krenari… në profilin e LinkedIn-it.

Me këtë ritëm, së shpejti mund të presim edhe ndonjë vendim qeveritar për legalizimin e cigarja-ve në kabinet… për hir të “transparencës së tymosur”.

“Lajmi që s’na duhej” është rubrikë satirike. Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.”

(Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja). Flaka Media