Shkarkimi i kryeprokurorit Kocevski pritet të shqyrtohet nesër në Kuvend
Botuar nga Flaka
15 Dhjetor, 2025 18:30
Marketing Politik
Iniciativa e Qeverisë për shkarkimin e kryeprokurorit publik, Lubço Kocevski, pritet që nesër të vendoset në rend dite në seancë plenare të Kuvendit. Kryetari i Kuvendit, Afrim Gashi, gjatë brifingut të sotëm me gazetarët, deklaroi se Kocevskit ende nuk i është dorëzuar ftesa zyrtare për seancën, por ajo do t’i dorëzohet gjatë ditës.
Qeveria e dorëzoi propozimin për shkarkimin e Kocevskit më 9 dhjetor, duke e arsyetuar me, siç thuhet, gabime të rënda profesionale gjatë ushtrimit të funksionit të tij, të cilat kanë ndikuar drejtpërdrejt në uljen e efikasitetit dhe funksionalitetit të Prokurorisë Publike.
Në propozimin e dorëzuar në Kuvend, Qeveria e akuzon Kocevskin për shpalosje të paautorizuar të informatave dhe të dhënave lidhur me lëndë gjyqësore, shkelje të detyrimit për ruajtjen e sekretit të procedurës, si dhe për dëmtim të reputacionit të Prokurorisë Publike dhe të vetë kryeprokurorit. Po ashtu, thuhet se ai nuk ka vepruar në përputhje me obligimet kushtetuese, ligjore dhe me marrëveshjet ndërkombëtare të ratifikuara.
Sipas Qeverisë, shkeljet e kryera gjatë periudhës së kaluar kanë rezultuar me funksionalitet të dëmtuar të Prokurorisë Publike dhe me cenim serioz të integritetit të institucionit, duke u thirrur në nenin 27 të Ligjit për Prokurorinë Publike, sipas të cilit kryeprokurori mban përgjegjësi për gjendjen e përgjithshme, organizimin dhe ushtrimin e funksioneve të këtij institucioni.
Sa i përket aktiviteteve të tjera parlamentare, kryeparlamentari Gashi bëri të ditur se deri në fund të muajit dhjetor pritet të mbahen katër seanca plenare. Më 23 dhjetor, para deputetëve fjalimin vjetor do ta mbajë presidentja Gordana Siljanovska Davkova, ndërsa më 25 dhjetor është paraparë seanca e rregullt për pyetjet e deputetëve.
Gashi theksoi gjithashtu se Kuvendi ende duhet të miratojë edhe dy ligje të rëndësishme për përmbylljen e Agjendës së Reformave, përkatësisht Ligjin për Rrugët Publike dhe Ligjin për Këshillin Gjyqësor. Flaka
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
