Moti sot në Maqedoninë e Veriut do të jetë me vranësira dhe periudha diellore. Në disa lugina të vendit do të ketë dendësi të madhe të mjegullave. Në vend do të fryjë një erë e lehtë nga drejtimi juglindor. Temperaturat minimale do të lëvizin nga -4 deri 1, ndërsa temperaturat maksimale do të lëvizin nga 4 deri 12 gradë celsius.
Gjatë kësaj jave moti pritet të jetë i paqëndrueshëm dhe me reshje lokale të shiut.
Nën ndikimin e një serie masash ajrore të lagështa nga Mesdheu, të kombinuara me depërtimin e ajrit më të ftohtë nga veriu, nga nesër pasdite (e martë) dhe në ditët në vijim, moti në Maqedoninë e Veriut por edhe në vendet fqinje do të jetë kryesisht i vranët dhe relativisht i ftohtë, me reshje të herëpashershme lokale shiu, të cilat në disa raste pritet të jenë më intensive.
Në zonat malore mbi 1.300 metra mbi nivelin e detit, reshjet e shiut do të kalojnë në reshje bore dhe pritet të formohet shtresë bore.
Stina e Dimrit në Maqedoninë e Veriut dhe hemisferën veriore të Tokës filloi dje pasdite në orën 16:03 sipas kohës lokale. Në të njëjtën kohë, në hemisferën jugore filloi vera.
Në këtë periudhë, dita është më e shkurtër, ndërsa nata është më e gjatë.
Nga sot deri në fund të vitit mbeten edhe 10 ditë.
Dimri do të zgjasë 88 ditë, 23 orë dhe 42 minuta, deri më 20 mars 2026, kur në hemisferën veriore do të fillojë pranvera, ndërsa në hemisferën jugore vjeshta. Gazeta Flaka
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
