Faton Ahmeti vazhdon shef i kabinetit të liderit të BDI-së, Ali Ahmeti
Botuar nga Flaka
23 Dhjetor, 2025 21:50
Marketing Politik
Lajmi u lexua: _ _ 2294
Bashkimi Demokratik për Integrim informon opinionin publik se sot, Kryetari i BDI-së, z. Ali Ahmeti, thirri mbledhjen e parë të Kryesisë së Këshillit të Përgjithshëm.
Mbledhja u mbajt në Tetovë, më 23 dhjetor 2025, duke filluar nga ora 17:00, dhe shënon fillimin e punës së këtij organi të rëndësishëm drejtues në kuadër të strukturave të BDI-së.
Në këtë mbledhje u shqyrtua dhe u miratua Rregullorja e punës së Kryesisë së Këshillit të Përgjithshëm, si akt bazë për funksionimin, koordinimin dhe vendimmarrjen e këtij organi. Po ashtu, u zhvilluan diskutime dhe u morën vendime të rëndësishme lidhur me organizimin e sekretariateve, si dhe me strukturimin e mëtejmë të Bashkimit Demokratik për Integrim.
Në kuadër të këtyre vendimeve u vendos për emërimet në funksione kyçe organizative, si vijon: • Shef i Kabinetit: Faton Ahmeti • Zëdhënëse e BDI-së: Arta Bilalli-Zenedeli • Këshilltar i Kryetarit të BDI-së për Marrëdhëniet me SHBA-në: Shemshedin (Sam) Beqiri
Gjithashtu, Kryetari z. Ali Ahmeti informoi Kryesinë e Këshillit të Përgjithshëm për emërimin e kryetarëve të degëve si vijon: • Tetovë: Bajram Rexhepi • Kumanovë: Ridvan Asani • Strugë: Faton Pollozhani • Gostivar: Valdet Xhaferi • Çair: Bujar Osmani
Gjithashtu, Kryetari dha orientime për të gjithë të ngarkuarit si kryetarë degësh të kryejnë detyrimet programore dhe statutare për organizimin dhe konsolidimin e nëndegëve dhe degës përkatëse.
Bashkimi Demokratik për Integrim mbetet i përkushtuar në forcimin e strukturave të brendshme organizative dhe në avancimin e reformave që synojnë rritjen e efikasitetit politik dhe institucional të partisë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
