Hapet fushata e AKI-së në Vrapçisht, të pranishëm Ahmeti e Taravari
Botuar nga Flaka
23 Dhjetor, 2025 01:19 Përditësuar
Marketing Politik
Lajmi u lexua: _ _ 12148
Koalicioni Aleanca Kombëtare për Integrim (AKI) hapi sonte zyrtarisht fushatën zgjedhore në Vrapçisht, në mbështetje të kandidatit për kryetar komune Isen Shabani, me pjesëmarrje të madhe qytetarësh dhe praninë e liderëve të koalicionit.
Kryetari i BDI-së, Ali Ahmeti, theksoi se hapja e fushatës shënon nisjen e një rrugëtimi të qartë drejt fitores më 11 janar.
“Sonte, në Vrapçisht, ishim së bashku në hapjen e fushatës zgjedhore në mbështetje të kandidatit për kryetar komune nga radhët e AKI-së, z. Isen Shabani. Me energjinë, besimin dhe përkrahjen e qytetarëve, nisëm një rrugëtim të qartë drejt fitores. Më 11 janar, Vrapçishti zgjedh zhvillimin, përgjegjësinë dhe të ardhmen më të mirë. Fitorja është e jona!” deklaroi Ahmeti.
Ndërkohë, kryetari i ASH-së dhe njëri nga liderët e koalicionit AKI, Arben Taravari, vlerësoi rezultatin e Shabanit nga raundi i parë, duke e cilësuar atë si kandidatin më të votuar në nivel republikan.
“Isen Shabani është kryetari që fitoi përqindjen më të lartë të votave në të gjithë republikën. Hapja e fushatës sonte në Vrapçisht është konfirmim i verdiktit të parë – Isen Shabani Kryetar!” u shpreh Taravari.
Edhe vetë kandidati për kryetar komune, Isen Shabani, tha se tubimi i sontëm është dëshmi e qartë e mbështetjes së madhe qytetare dhe e fitores që po afrohet.
“Sonte u konfirmua ajo që ndjehet çdo ditë në terren: mbështetje e madhe, energji pozitive dhe besim i palëkundur. Me një pjesëmarrje masive dhe mbështetje të fuqishme të qytetarëve, nisi rrugëtimi ynë drejt Fitores së Madhe. Ky unitet është dëshmi e qartë se besimi është i madh dhe fitorja po vjen,” deklaroi Shabani.
Organizatorët e cilësuan hapjen e fushatës në Vrapçisht si një mesazh të qartë të mobilizimit dhe unitetit qytetar në prag të zgjedhjeve lokale të 11 janarit, duke theksuar se koalicioni AKI hyn në këtë garë me besim të plotë për fitore. Gazeta Flaka
Botuar nga Flaka
23 Dhjetor, 2025 01:19 Përditësuar
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
