Dhuratë për tifozët e Arsenalit: Kai Havertz rikthehet në stërvitje

Tifozët e Arsenalit kanë marrë një dhuratë të hershme për Krishtlindje, teksa klubi londinez ka konfirmuar rikthimin në stërvitje të Kai Havertz pas një mungese të gjatë për shkak dëmtimi. Lajmi u bë publik të martën në kanalet zyrtare të klubit në rrjetet sociale, pak orë përpara kualifikimit të “Topçinjve” në gjysmëfinalen e Kupës së Ligës, ku eliminuan Crystal Palace pas penalltive (1-1, 8-7).

Mesfushori-sulmues gjerman u prit me një roje nderi nga shokët e skuadrës, përpara se të bashkohej me pjesën tjetër të ekipit në seancën stërvitore, një moment që u prit me entuziazëm të madh nga tifozët.

Havertz ka kaluar një periudhë të vështirë me dëmtime. Pas tre muajsh mungesë sezonin e kaluar, ai arriti të luajë vetëm 30 minuta në këtë sezon, në ndeshjen hapëse të Premier League kundër Manchester United (1-0). Pak më vonë, 26-vjeçari pësoi një dëmtim serioz në gju, i cili e detyroi t’i nënshtrohej një ndërhyrjeje kirurgjikale në fund të muajit gusht.

Rikthimi në stërvitje i jep Havertz mundësinë të rifitojë formën fizike dhe ritmin e ndeshjeve, jo vetëm për t’u rikthyer në planet e Mikel Artetas, por edhe për të forcuar shanset e tij për një vend në Kupën e Botës 2026 me kombëtaren gjermane (55 ndeshje ndërkombëtare).

Ndërkohë, Arsenali, aktualisht lider i Premier League, do të presë Brighton të shtunën në orën 16:00, një ditë pas “Boxing Day”, teksa rikthimi i Havertz shihet si një përforcim i rëndësishëm për fazën vendimtare të sezonit.

Flaka

63

SONDAZHI JAVOR

A mendoni se qeveria aktuale po bën mjaft për të përmirësuar gjendjen ekonomike dhe jetën e qytetarëve?

• 
• 
• 
• 
• 
• 
•