Donnarumma: “Manchester City ishte zgjedhja e duhur, jam shumë i lumtur këtu”

Botuar nga Drin Zenku 25 Dhjetor, 2025 21:05

Gianluigi Donnarumma ka bërë një bilanc shumë pozitiv të fillimit të aventurës së tij në Premier League me fanellën e Manchester Cityt. Portieri i kombëtares italiane, në një intervistë për Sky Sport, ka treguar se është ndier i vlerësuar që nga dita e parë dhe se është plotësisht i kënaqur me zgjedhjen për t’u transferuar në Angli.

“Që në momentin e parë më bënë të ndihesha i rëndësishëm. Dëshiroja të vija këtu dhe jam shumë i kënaqur me vendimin tim. Falënderoj presidentin dhe drejtorin që bënë gjithçka për të më sjellë. Jam vërtet i lumtur këtu”, u shpreh Donnarumma.

Portieri italian foli edhe për jetesën në Manchester pas përvojës së tij në Paris, duke theksuar se ambienti i ka përshtatur shumë mirë edhe familjes së tij.
“Shumë njerëz më thanë që në Manchester jetohet mirë. Është një qytet ideal për një futbollist dhe familja ime është e lumtur. Nuk dal shpesh, preferoj të qëndroj në shtëpi, ndaj edhe shiu nuk më shqetëson,” shtoi ai.

Sa i përket përshtatjes në Premier League, Donnarumma pranoi se fillimi pozitiv e ka befasuar edhe vetë.
“Nuk e prisja këtë start kaq të mirë, por merita është e gjithë ekipit që më priti shumë mirë. Ky kampionat ka shumë ritëm dhe intensitet, është ndryshe nga çfarë kam përjetuar më parë.”

Ai foli gjithashtu me entuziazëm për marrëdhënien me tifozët e Cityt:
“Janë fantastikë. Që nga ndeshja e parë ndjeva një lidhje speciale me ta. Kur shënojmë gol, gëzoj bashkë me ta, është diçka shumë e veçantë për mua.”

Fjalë të veçanta pati edhe për trajnerin Pep Guardiola, të cilin e cilësoi si një figurë kyçe në rritjen e tij:
“Kam një respekt të jashtëzakonshëm për Pepin. Më ndihmon shumë dhe kemi një raport fantastik. Jam shumë i lumtur të luaj për të.”

Në fund, Donnarumma foli edhe për marrëdhënien me Erling Haaland, duke zbuluar se norvegjezi ka luajtur rol në transferimin e tij te City.
“Është një djalë fantastik, shumë i qetë dhe familjar. Kur luanim kundër njëri-tjetrit kemi mbajtur kontakt dhe ai bëri shumë për të më sjellë këtu. Tani që luajmë bashkë, gjithçka është më e lehtë.”

Me këto deklarata, Donnarumma konfirmon se ka gjetur shpejt stabilitetin dhe ambientin ideal për të dhënë maksimumin e tij me Manchester Cityn.

Flaka

Botuar nga Drin Zenku 25 Dhjetor, 2025 21:05

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.