Hansi Flick: “Barcelona më ka ndryshuar jetën”

Hansi Flick ka shprehur hapur dashurinë e tij për Barcelonën, duke theksuar se klubi katalanas ka pasur një ndikim të madh në jetën dhe karrierën e tij.

“Ky klub më ka ndryshuar plotësisht. E dua këtë klub, e dua Barcelonën, i dua njerëzit këtu. Është diçka e pabesueshme dhe gjithmonë jap maksimumin tim për këtë klub”, deklaroi Flick.

Trajneri gjerman u ndal edhe te rëndësia e krijimit të një ambienti të shëndetshëm për lojtarët, në mënyrë që ata të zhvillohen dhe të arrijnë nivele më të larta në karrierën e tyre. Sipas tij, skuadra aktuale ka rikthyer entuziazmin te tifozët dhe dëshirën për t’u kthyer në stadium për çdo ndeshje.

“Ne duhet të krijojmë atmosferën e duhur që lojtarët të rriten dhe të përmirësohen. Kjo skuadër i bën njerëzit të duan të vijnë sërish në stadium dhe të presin çdo ndeshje me padurim”, shtoi ai.

Flick e përshkroi vitin e fundit si të jashtëzakonshëm për veten, stafin, klubin dhe tifozët, por theksoi se e kaluara tashmë duhet lënë pas.

“Ka qenë një vit mbresëlënës dhe shumë i suksesshëm, por kjo është tashmë e shkuara. Duhet të vazhdojmë të punojmë fort që ta përjetojmë sërish diçka të tillë në fund të këtij sezoni”, u shpreh trajneri.

Në fund, ai konfirmoi objektivat e mëdha të Barcelonës për sezonin aktual.

“Kemi objektiva të mëdha. Trofetë e sezonit të kaluar ishin të bukur, por ne duhet të vazhdojmë përpara. Kjo është ajo që duam të bëjmë”, përfundoi Flick.

Flaka

63

SONDAZHI JAVOR

A mendoni se qeveria aktuale po bën mjaft për të përmirësuar gjendjen ekonomike dhe jetën e qytetarëve?

• 
• 
• 
• 
• 
• 
•