Ndryshime në Maturën Shtetërore 2026: Testim më i drejtë dhe mundësi për të gjithë nxënësit
Botuar nga Flaka
Procesi i Maturës Shtetërore për vitin 2026 sjell ndryshime të rëndësishme për maturantët, veçanërisht për ata të shkollave profesionale dhe artistike. Drejtoresha e Qendra Shtetërore e Provimeve (QSHP), Daniella Jovçevska Mihajllovska, thekson se testimi i këtij viti do të jetë më i drejtë dhe i përshtatur me orët mësimore të ndjekura gjatë katër viteve.
“Ndryshimi synon t’u lehtësojë nxënësve të shkollave profesionale dhe artistike, të cilët më herët nuk kishin mundësi të barabarta krahasuar me gjimnazistët që ndjekin më shumë orë për lëndët e testuara eksterne,” tha Jovçevska Mihajllovska.
Deri më tani janë paraqitur 14,573 nxënës për të gjitha llojet e provimeve. Një tjetër pikë kyçe është regjistrimi në fakultete: nxënësit që zgjedhin maturën profesionale mund të vazhdojnë studimet vetëm në drejtime që përputhen me profilin e shkollës së mesme, ndërsa ata që zgjedhin maturën shtetërore mund të regjistrohen në cilindo fakultet sipas dëshirës.
Provimet fillojnë më 6 qershor 2026 me testimin e gjuhës angleze ose matematikës. Provimi i gjuhës amtare për maturën shtetërore jepet më 11 qershor, ndërsa nxënësit e maturës profesionale dhe artistike do ta japin më 12 qershor. Ata që kalojnë Maturën Profesionale ose Artistike kanë mundësi të japin Maturën Shtetërore vitin tjetër për të ndryshuar fakultetin ose për të aplikuar në fakultete që kërkojnë këtë provim.
Ky ndryshim synon të zvogëlojë pabarazitë dhe të sigurojë mundësi të barabarta për të gjithë maturantët. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
