Pavarësia e gjyqësorit vazhdon të përbëjë shqetësim edhe në raportet ndërkombëtare

VMRO-DPMNE ka akuzuar qeverisjen e kaluar, të udhëhequr nga LSDM dhe BDI, për vendosjen e gjyqësorit nën kontroll politik, duke pretenduar se përzgjedhja dhe shkarkimi i gjyqtarëve dhe prokurorëve është bërë nën presione partiake. Sipas partisë opozitare, ish-kryeministri Zoran Zaev dhe udhëheqja e LSDM-së kanë siguruar që të zgjidhen gjyqtarë dhe prokurorë “të përshtatshëm dhe të dëgjueshëm”, ndërsa ata që nuk kanë qenë nën kontroll politik janë shkarkuar brenda afateve të shkurtra.

Si shembull, VMRO-DPMNE përmend ish-gjyqtarin e Gjykatës Supreme, Risto Katevenovski, i cili deklaroi se ishte shkarkuar pas refuzimit për të dhënë mendim pozitiv në një lëndë gjyqësore që lidhej me ish-ministren e Punëve të Brendshme, Gordana Jankulovska. Katevenovski tha se vendimi për shkarkimin u mor menjëherë pas një deklarate të tij në seancë, ku kishte kërkuar konsultim shtesë me kolegët.

Nga ana tjetër, LSDM ka reaguar me kundërakuzë, duke deklaruar se gjyqësori dhe prokuroria po vendosen nën kontroll të drejtpërdrejtë nga kryetari i VMRO-DPMNE-së, Hristijan Mickoski. Sipas LSDM-së, qeveria e ka shkarkuar prokurorin e mëparshëm, Ljupço Kocevski, për të emëruar një prokuror të kontrolluar nga partitë opozitare, ndërsa Mickoski ka eliminuar publikisht edhe Lençe Ristoska.

LSDM kritikon gjithashtu mungesën e reagimit nga Prokuroria për mundësitë e keqpërdorimit të pushtetit dhe tenderët e dyshuar. “Kanë kaluar më shumë se 80 ditë nga paraqitja e parë te Ekipi Antikorrupsion i LSDM-së, por nuk ka asnjë reagim, as nga Prokuroria dhe as nga Policia Financiare. Nuk ka përgjigje për 161 tenderë të firmës familjare të Tomovskit, për 51 tenderë për „Piramida Building“, për 74 tenderë për „Lendi Group“, për 9 milionë euro për një firmë me dy punonjës,” theksojnë nga LSDM.

Pavarësia e gjyqësorit vazhdon të përbëjë shqetësim edhe në raportet ndërkombëtare. Raporti i fundit i Komisionit Evropian për progresin e vendit thekson se nuk ka përparim të dukshëm në garantimin e pavarësisë së gjyqësorit, ndërhyrja e jashtme dhe politike mbeten arsye serioze për shqetësim.

Ky debat midis VMRO-DPMNE dhe LSDM nënvizon tensionet e vazhdueshme politike rreth kontrollit mbi gjyqësorin dhe prokurorinë dhe rëndësinë e garantimit të pavarësisë së institucioneve për funksionimin e shtetit të së drejtës. Gazeta Flaka

104

SONDAZHI

Sa e qëndrueshme është bashkëpunimi mes partive në Koalicionin VLEN?

Bashkëpunimi lëkundet

Bashkëpunimi është i qëndrueshëm

• 
• 
• 
• 
• 
• 
•