Asistentët e mjekësisë në UT bojkotojnë ligjëratat, kërkojnë pagesën e pagave të mbetura

Botuar nga Driton Zenku 8 Prill, 2024 19:20

Asistentët e mësimit praktik të Fakultetit të Mjekësisë në Universitetit e Tetovës, kanë shprehur revoltën e tyre përpara rektoratit të UT-së, lidhur me mospagesën e siç thanë ata të vitit akademik 2022-2023. Asistentët e UT-së bojkotojnë mësimin që prej një muaji, ndërsa kusht për kthimin e tyre në ligjërata është pagesa e rrogave të mbetura, ose në të kundërtën, asistentët e Fakultetit të Mjekësisë nuk do të kthehen në ligjërata. Moskthimi i tyre nënkupton humbje për studentët e mjekësisë. Ka reaguar edhe rektori i UT-së Jusuf Zejneli. Ai premtoi se së shpejti pagesat do të kryhen.

“Ne asistentët e angazhuar me kontratë në vepër në fakultetin e shkencave mjekësore të UT-së, bojkotojmë mësimin praktik në këto fakultete, që nga fillimi i këtij viti akademik. Arsyeja e këtij bojkoti është mos realizimi i pagesave sipas kontratës për vitin 2022-2023 nga an e këtij institucioni. Informojmë studentët dhe opinionin publik se ky bojkot do vazhdoj deri në realizimin e pagesave të gjithë semestrave paraprak”, deklaroi Visar Xhaferi, asistent në Fakultetin e Mjekësisë në UT.

“Nga dita e parë që mora mandatin një nga angazhimet e mia ishte edhe krijimi i një gjendjeje stabile financiare në Universitet, faktikisht kjo u arrit edhe përmes themelimit të sindikatave që patën angazhime e protesta dhe pagat u rritën për 22 për qind. Gradualisht kemi krijuar një gjendje më të mirë që nënkupton se kanë filluar të realizohen edhe pagesat për profesorët part time dhe shumë shpejt edhe kjo pjesë do të realizohet në tërësi dhe nuk do mbetemi borxh askujt”, tha Jusuf Zejneli, Rektor i UT-së. /Alsat.mk

Botuar nga Driton Zenku 8 Prill, 2024 19:20

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.