Zgjedhjet presidenciale në RMV, jehonë në rajon dhe Evropë

Maqedonia e Veriut po shkon në raundin e dytë të zgjedhjeve presidenciale, të cilat së bashku me zgjedhjet parlamentare mund të përcaktojnë rrugën e vendit drejt BE-së, raportojnë mediat belge për zgjedhjet në vend, përcjell FLAKA.

“Politico” analizon se votimi ka treguar një “zhvendosje të fortë” të elektoratit në favor të kandidatit të mbështetur nga koalicioni i “partisë kryesore opozitare konservatore” VMRO-DPMNE. Euroactive raporton se “kandidatja nacionaliste” për presidente të Maqedonisë së Veriut, Gordana Siljanovska-Davkova, ka shpallur fitoren në raundin e parë të zgjedhjeve presidenciale, i cili është “i pari në një seri votash që mund të vendosin nëse vendi ballkanik do të anëtarësohet në Bashkimi Evropian”.

“Vota për presidencën kryesisht ceremoniale shihet si lakmus për zgjedhjet parlamentare në të cilat VMRO-DPMNE po përpiqet të rrëzojë socialdemokratët pro-evropianë dhe të qendrës së majtë në pushtet”.

Euractiv thekson gjithashtu se zgjedhjet po mbahen në një kohë “ngërçi midis qeverisë dhe opozitës që zgjat prej dy vitesh, se si duhet të merret vendi me Bullgarinë fqinje, e cila po i bllokon rrugën drejt anëtarësimit në BE”. Mediat serbe, nga ana tjetër, po analizojnë nëse votat e shqiptarëve do të jenë vendimtare në raundin e dytë.

“Në bazë të dallimit të madh, Pendarovski ka nevojë për mbështetjen e dy kandidatëve shqiptarë për president, Bujar Osman dhe Arben Taravari”.

Mediat greke theksojnë fitoren e kandidates së VMRO-DPMNE-së dhe avantazhin e madh që ajo mori ndaj presidentit aktual.

“Elementi kryesor i raundit të parë të zgjedhjeve presidenciale është shkalla e fitores së kandidates së VMRO-DPMNE Siljanovska, e cila i tejkaloi edhe parashikimet më optimiste të vetë partisë opozitare dhe është pothuajse e pamundur të ndryshohet në raundin e dytë”, shkruan AKSH-MPA.

Maqedonia e Veriut do të shkojë në raundin e dytë të zgjedhjeve presidenciale pasi asnjë kandidat nuk siguroi vota të mjaftueshme për të fituar në raundin e parë të votimit të djeshëm, i cili u zhvillua në një kohë kur vendi po përpiqet të hyjë në Bashkimin Evropian, raporton Fox News.

“Në Maqedoninë e Veriut ka shpresa të mëdha se presidenti do të mbikëqyrë hyrjen e shumëpritur në BE. Vendi i vogël ballkanik ka orbituar bllokun prej 27 anëtarësh për gati dy dekada, pa shumë sukses”.

Humbja e LSDM-së në raundin e parë presidencial është e lidhur edhe me ngjarje të tjera, veçanërisht me dështimet në luftën kundër krimit të organizuar dhe korrupsionit, gjendjen në gjyqësor, e cila është kritikuar në raportet e BE-së dhe SHBA-së, thonë disa nga mediat botërore. FLAKA

9

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•