Vijnë lajme të mira nga Kate Middleton-i

Princesha e Uellsit thuhet se do t’i bashkohet burrit dhe fëmijëve të saj në një arratisje verore. Kate Middletoni do t’i bashkohet familjes mbretërore në Balmoral këtë muaj. Ky do të shënojë udhëtimin më të gjatë të princeshës që kur ajo zbuloi se është diagnostikuar me kancer.

Princesha, e cila filloi një kurs të kimioterapisë parandaluese në fund të shkurtit, bëri paraqitjen e saj të parë zyrtare publike të vitit në qershor në Trooping the Colour dhe paraqitjen e saj të dytë në korrik në finalen e xhentëlmenëve në Wimbledon.

Përpara daljes së saj të parë në qershor, Catherine ndau një përditësim mbi trajtimin e saj. Në një mesazh me shkrim, Princesha zbuloi: “Unë po përparoj mirë, por siç e di kushdo që kalon nëpër kimioterapi, ka ditë të mira dhe ditë të këqija. Në ato ditë të këqija ndihesh i dobët, i lodhur dhe duhet t’i dorëzohesh trupit që pushon, por në ditët e mira, kur ndihesh më i fortë, dëshiron të shfrytëzosh sa më shumë të ndihesh mirë”.

“Mjekimi im është në vazhdim dhe do të jetë edhe për disa muaj. Në ditët që ndihem mjaft mirë, është kënaqësi të angazhohem me jetën, të kaloj kohë personale për gjërat që më japin energji dhe pozitivitet, si dhe të filloj të bëj pak punë nga shtëpia”, vazhdoi ajo.

“Po mësoj se si të jem e durueshme, veçanërisht me pasigurinë. Duke marrë çdo ditë ashtu siç vjen, duke dëgjuar trupin tim dhe duke i lejuar vetes të marr këtë kohë shumë të nevojshme për t’u shëruar.”, tha princesha.