Bejta tregon ”sekretin” e këngës ”Lule” që po pëlqehet shumë

Kënga ”Lule” e artistit të njohur Daors Bejta që u publikua më 18 korrik po pëlqehet mjaft shumë, këtë e dëshmojnë edhe klikimet në Youtube që deri tani ka mbledhur mbi 2 milionë.

Për të ndarë më shumë nga realizimi i këtij projekti të veçantë, Bejta ishte i ftuar në ”Për ditë të mbarë” të RTV21 ku pati një hyrje mjaft të veçantë, duke vallëzuar me ritmin e këngës ”Lule”.

Suksesi që i solli kjo këngë për artistin tha se ”ende është i pabesueshëm”.

”Kënga ”Lule” është kënga që dallon nga këngët tjera, këngët tjera të publikuara janë realizuar në një fazë të jetës jo të bukur”, tha Bejta.

Artisti tutje tha se suksesi i kësaj kënge mund të bazohet te tema.

”E di shumica e njerëzve mund të pajtohen me këtë temë dhe për atë ju pëlqen kjo këngë”, tha Bejta.

Pas publikimit të kësaj kënge, Bejta tha se ka marrë pëlqime edhe nga artistë tjerë.

Bejta tha se është duke punuar për projekte të reja./21Media