Grupe të armatosura po intimidojnë votuesit në Lushnjë

Botuar nga Tina Baliu 11 Maj, 2025 13:18

Kandidati i Partisë Demokratike, Saimir Korreshi, ka ngritur një tjetër akuzë të rëndë nga qyteti i Lushnjës gjatë ditës së votimit, duke deklaruar se grupe të armatosura po lëvizin pranë qendrave të votimit me qëllim intimidimin e votuesve, transmeton Flaka Media

Në një prononcim për mediat, Korreshi tha se ka raportuar rastet në polici dhe se përballja me këto grupe ka ndodhur personalisht:

“Janë të armatosur nëpër qendra. Sa herë futet një makinë që s’e njohin, fusin duart. Ia kam dërguar rastin shefit të komisariatit. U përballa me 3 grupe që nuk janë as nga zona. I kemi me pamje, makinat, targat, çdo gjë.”

Sipas tij, dy automjete, një Golf dhe një Benz, me persona që nuk janë nga Lushnja, po përdoren për të kontrolluar dhe intimiduar votuesit që nuk njihen nga grupet pranë qendrave të votimit.

“Çdo makinë bën patronazhimin. Kush nuk njihet, tentojnë ta intimidojnë,” tha Korreshi, duke paralajmëruar se situata është e rrezikshme dhe kërkon ndërhyrje të menjëhershme nga autoritetet.

Policia e Shtetit ende nuk ka dhënë një reagim zyrtar mbi këto pretendime. Flaka Media

Botuar nga Tina Baliu 11 Maj, 2025 13:18

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.