Probleme në Qendrën e Votimit: Raportime për votim familjar dhe vështirësi me pajisjet elektronike

Në qendrën e votimit të vendosur në shkollën “Hasan Prishtina” në Njësinë Administrative nr. 3 në Tiranë janë raportuar disa problematika në vijimin e procesit zgjedhor, transmeton Flaka Media

Sipas burimeve pranë redaksisë, në këtë qendër janë evidentuar raste të votimit familjar, një praktikë e ndaluar nga Kodi Zgjedhor që cenon parimin e votës së lirë dhe të fshehtë. Po ashtu, vështirësi janë raportuar në funksionimin e pajisjeve të identifikimit elektronik, të cilat kanë krijuar vonesa dhe pakënaqësi mes votuesve.

Më herët gjatë ditës, në këtë qendër është vërejtur edhe prania e deputetes së Partisë Socialiste, Klotilda Bushka, çka ka ngritur shqetësime për respektimin e ndalesave ligjore për praninë e zyrtarëve politikë brenda ose pranë qendrave të votimit.

Autoritetet zgjedhore nuk kanë reaguar ende publikisht për këto problematika. Flaka Media