Llapi forcon sulmin për sezonin e ri

KF Llapi ka zyrtarizuar afrimin e ri në repartin ofensiv: Axel Gnapi, sulmues qendror nga FC Prishtina, ka firmosur një kontratë dyvjeçare që e mban në Podujevë deri në qershor 2027.

Ky është kapitulli i dytë i 23-vjeçarit në futbollin kosovar, pas një periudhe gjashtëmujore me FC Prishtinën. Më parë, Gnapi ka qenë pjesë e disa klubeve në Francë, përfshirë Istres FC, AS Cannes, RC Grasse dhe të tjera.

Me profilin e tij fizik dhe teknik, ai pritet të sjellë më shumë forcë dhe alternativa në sulmin e Llapit, që po ndërton një skuadër ambicioze për sezonin e ri.

Marrëveshja është realizuar në bashkëpunim me kompaninë ndërmjetësuese AAG Sportstotal, që ka ndihmuar në përmbylljen e këtij transferimi.

Llapi i uron mirëseardhje Gnapit dhe pret kontributin e tij për arritjen e objektivave në edicionin e ri.

Flaka