De la Fuente: Lamine Yamal ka të ardhme të gjatë me ne

Në prag të ndeshjes vendimtare mes Gjeorgjisë dhe Spanjës këtë të shtunë në Tbilisi, trajneri i “La Roja”-s, Luis de la Fuente, ka dhënë një mesazh të qartë: të ulet tensioni dhe të përqendrohen të gjitha energjitë te një fitore që do ta afrojë Kombëtaren me Botërorin 2026.

I pyetur për mungesën e talentit të Barcelonës, Lamine Yamal, pas një mosmarrëveshjeje mjekësore mes klubit dhe federatës, De la Fuente tha: “Lajmi më i mirë është se atij i kanë mbetur edhe 15 vjet me ne. Duhet të mendojmë për të tashmen dhe të ardhmen. E tashmja është të mbështetemi te lojtarët që kemi, të fitojmë dhe ta sigurojmë thuajse kualifikimin.”

Trajneri spanjoll pranoi se kalendari i ngjeshur është një problem serioz për të gjitha kombëtaret: “Fatkeqësisht, do të ketë të dëmtuar. Në futboll gjithmonë ka dëmtime, por tani ka shumë ndeshje dhe një kërkesë fizike e madhe që bën që lojtarët të jenë të lodhur ose të dëmtuar.”

Sa i përket sfidës me Gjeorgjinë, De la Fuente paralajmëroi: “Do të jetë një ndeshje e vështirë, krejt ndryshe nga ajo dy vjet e gjysmë më parë. Ata kanë lojtarë të nivelit shumë të lartë në kampionatet europiane, posaçërisht në Spanjë. Duhet të kemi një ditë në nivelin që kërkohet për të marrë një fitore shumë të rëndësishme.”

Flaka

11

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•