Selimi: Liderët e VLEN-it janë burim i përçarjeve prandaj shkrirja është e vështirë

Analisti politik Sefer Selimi në emisionin “Debat në Shenja”, deklaroi se mendon se do të jetë shumë e vështirë çështja e bashkimit.

“VLEN-i është një konglomerat vlerash të cilat janë kundërthënënse njëra me tjetrën. Është një konglomerat idealesh politike të cilat janë kundërthënëse me njëra tjetrën dhe kemi të bëjmë me liderë të cilët para se të bashkohen janë përçarë. Secili rpej atyre del nga ndonjë përçarje. Zotëri Kasami udhëheq një parti të përçarë… e udhëheq sepse BESA u nda në dy pjesë, keni Alternativën që ka dalë nga një përçarje, keni BESË-n që ka dalë nga një përcarje, keni zotërin Mexhiti që ka dalë nga një përçarje prej BDI-së dhe keni zotërin Arben Fetain i cili preton se përçan ASH-në për të përfaqësuar në emër të saj”, tha Seferi, duke shtuar se kjo bën që ata vështirë se mund të bashkohen.

Analisti politik Xhenur Iseni ka deklaruar se BDI në kongresin e ardhshëm i nevojiten reforma të thella dhe se për dallim nga e kaluara kur reformat janë bërë sa për të thënë se kanë bërë, ajo e ka justifikuar veten me fitoret, por se tani këtë komoditet nuk e ka.
“Në BDI nevojiten reforma radikale, rrënjësore, jam edhe unë i asaj se zotëri Ahmeti duhet të mbetet kryetar i asaj partie nëse dëshirojnë të ekzistojë BDI si logo si parti si emblemë të shqiptarët, sepse pa atë në krye BDI do të copëtohej edhe më shumë. Këtë jam më se i bindur,. Duhen reforma radikale dhe jo vetëm reforma kozmetike, me makijazh”, deklaroi Iseni, në emisionin “Debat në Shenja”.
Ai tha se disa eksponentë të cilët janë në kryesi të BDI-së koha ju ka mbaruar që nga koha kur janë publikuar “bombat” e Zaevit.