MPB ndryshon rregullat: Tolerancë për shpejtësinë, zero tolerancë kur rrezikohet jeta

Botuar nga Flaka 14 Dhjetor, 2025 22:23 Përditësuar

Lexime: 6 82

Ministria e Punëve të Brendshme po përgatit ndryshime të reja në politikën e ndëshkimit për tejkalimin e shpejtësisë në komunikacion, duke vendosur një tolerancë të caktuar për shkeljet, por pa asnjë kompromis kur rrezikohet jeta e qytetarëve.

Ministri i Punëve të Brendshme, Pançe Toshkovski, sqaroi se kjo tolerancë nuk do të vlejë në rastet kur tejkalimi i shpejtësisë përbën vepër penale, përkatësisht kur shoferi ka shkaktuar aksident trafiku ose ka lënduar persona të tjerë.

Duke u thirrur në statistika shqetësuese ndërkombëtare, Toshkovski theksoi se shpejtësia është faktori kryesor i fataliteteve në rrugë. Sipas tij, drejtimi me 60 kilometra në orë është pothuajse gjithmonë vdekjeprurës.
“Kur flasim për 60 km/h, pothuajse nuk kemi asnjë të mbijetuar. Nga 10 persona të goditur, kemi 10 të vdekur. Me 50 km/h, mbijetojnë vetëm dy, ndërsa me 30 km/h, tetë nga dhjetë persona shpëtojnë”, deklaroi ministri.

Ai paralajmëroi edhe rishikimin e sinjalistikës rrugore, sidomos në zonat ku ka mospërputhje mes shenjave të komunikacionit dhe matjeve të kamerave. Toshkovski pranoi se ekzistojnë raste kur shenja lejon 70 km/h, ndërsa gjoba shqiptohet për shpejtësi mbi 50 km/h, duke nënvizuar se kjo situatë do të korrigjohet.

“Ku do të ketë kamera, paraprakisht do të rishikohen të gjitha shenjat e trafikut. Kjo po bëhet në koordinim mes MPB-së, Ministrisë së Transportit dhe Ndërmarrjes Publike për Rrugë”, tha Toshkovski.

Sa i përket ankesave të qytetarëve për gjoba që u dërgohen gabimisht, për shkak të parregullsive në të dhënat nga kontrolli teknik, ministri pranoi se problemi ekziston. Ai paralajmëroi hapjen e një pike të posaçme në Shkup, ku qytetarët do të mund të paraqesin dhe korrigjojnë gjobat e shqiptuara padrejtësisht.

Sipas MPB-së, masat e reja synojnë rritjen e sigurisë në komunikacion, uljen e numrit të aksidenteve dhe rikthimin e besimit të qytetarëve në sistemin e ndëshkimit rrugor.

Botuar nga Flaka 14 Dhjetor, 2025 22:23 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.