Llaskarca: Pronari i “Durmo Turs” vazhdon të shtyjë vuajtjen e dënimit
Botuar nga Flaka
16 Dhjetor, 2025 17:30
Marketing Politik
Pronari i kompanisë “Durmo Turs”, Durmish Beluli, ka fituar edhe 20 ditë shtyrje për fillimin e vuajtjes së dënimit me 10 vjet burg për aksidentin tragjik të Llaskarcës në vitin 2019, ku humbën jetën 16 persona dhe u lënduan 38 të tjerë.
Gjykatësi Qirko Mihajllovski e konfirmoi informacionin për Alsat, duke theksuar se shtyrja është miratuar me rekomandim të mjekut, sipas të cilit Beluli duhet të pushojë deri në shërimin e plotë të plagës nga ndërhyrja kirurgjikale për hernie, e kryer në fillim të dhjetorit. Sipas vendimit të ri, Beluli pritet të paraqitet në burg pas festave të fundvitit, respektivisht më 5 janar të vitit të ardhshëm.
I pyetur nëse do të kërkojë verifikim të dokumentacionit mjekësor, gjykatësi Mihajllovski tha se nuk do ta bëjë këtë, pasi i beson mjekut dhe druhet se një veprim i tillë mund të hapë procedurë për paraqitje të rrejshme. Beluli, për arsye shëndetësore, ka shtyrë fillimin e mbajtjes së dënimit tashmë gjashtë muaj.
Ndërkohë, i dënuari i dytë në këtë lëndë, Remzi Miftari, i cili gjithashtu kishte shtyrë disa herë vuajtjen e dënimit për shkak të të njëjtës diagnozë – hernie – pas përfundimit të periudhës së rikuperimit nuk është paraqitur në burg dhe tashmë një muaj ndodhet në arrati.
Për aksidentin e Llaskarcës, në burg ndodhen shoferi Manoil Trifunovski, i dënuar me 14 vjet burg – dënimi më i lartë në këtë rast – si dhe udhëheqësi i Stacionit të Kontrollit Teknik, Igor Gjorgjievski, dhe kontrollori teknik Goran Dukovski, të dy të dënuar me nga 7 vjet burg, të cilët prej 6 qershorit vuajnë dënimin në Burgun e Idrizovës. Gazeta Flaka
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.
