Çair: Banorët e Serovës pa rrymë dhe ngrohje, BDI reagon ashpër

Bashkimi Demokratik për Integrim – Dega Çair ka reaguar ndaj situatës së rëndë në lagjen Serovë të Komunës së Çairit, ku qytetarët po përballen me ndërprerje të shpeshta të energjisë elektrike, duke mbetur pa dritë dhe pa ngrohje në ditët më të ftohta të dimrit.

Sipas reagimit të BDI-së, familje të tëra, përfshirë fëmijë, të moshuar dhe persona të sëmurë, janë lënë pa kushte elementare jetese, ndërsa institucionet përgjegjëse nuk po reagojnë. Partia kritikon ashpër heshtjen e Komunës së Çairit dhe mungesën e përgjigjes nga Qeveria, duke theksuar se EVN, si operator përgjegjës, po shmang detyrimet ndaj qytetarëve.

“Është e papranueshme që në vitin 2025, qytetarët e një zone urbane të mbesin pa shërbime bazë, ndërsa institucionet të mbyllin sytë,” thuhet në reagim.

BDI – Dega Çair e cilëson këtë situatë si neglizhencë të rrezikshme që cenon dinjitetin dhe sigurinë e qytetarëve dhe shpreh mbështetje të plotë për banorët e Serovës, të cilët kanë dalë në protesta si pasojë e mosreagimit institucional. Sipas BDI-së, protestat janë rezultat i drejtpërdrejtë i dështimit të institucioneve për të kryer detyrën e tyre.

Partia u bën thirrje autoriteteve që të veprojnë menjëherë dhe të garantojnë furnizim të qëndrueshëm me energji elektrike për qytetarët e Serovës. Gazeta Flaka

63

SONDAZHI JAVOR

A mendoni se qeveria aktuale po bën mjaft për të përmirësuar gjendjen ekonomike dhe jetën e qytetarëve?

• 
• 
• 
• 
• 
• 
•