Yll Limani rrëfen jetën personale: “Momentalisht jam single”
Botuar nga Drin Zenku
I ftuar në një emision televiziv, këngëtari i njohur Yll Limani ka ndarë me publikun detaje të reja jo vetëm rreth muzikës dhe albumit të tij më të fundit, por edhe nga jeta personale dhe marrëdhëniet sentimentale.
Pa u rezervuar, Ylli u pyet për statusin e tij aktual në dashuri dhe nëse është në një lidhje. Artisti u përgjigj hapur, duke pranuar se aktualisht është beqar dhe se vitet e fundit kanë qenë të mbushura me ulje-ngritje në këtë aspekt të jetës së tij.
“Momentalisht jam single. Këto dy vitet e fundit kam pasur ulje dhe ngritje në atë departament. Tani, për të thënë të drejtën, kam shumë qejf të ‘rehatohem’. Çfarëdo përpjekjeje që bëj, qoftë në shkrim, në dalje apo edhe në komunikim, dua që përfundimi të jetë diçka serioze, me kuptim dhe që zgjat”, u shpreh Limani.
I pyetur nëse karriera e tij artistike ka ndikuar ndonjëherë negativisht në marrëdhëniet e dashurisë, këngëtari pranoi se dinamika e jetës së artistëve shpeshherë paraqet vështirësi.
“Ajo është gjithmonë problematike dhe një pengesë. Nuk e fajësoj askënd që ka problem me këtë lloj jete që bëjmë ne artistët. Sa më shumë që njerëzit dinë, aq më shumë energjia shterron”, tha ai.
Në fund, Yll Limani foli edhe për dallimin mes dashurisë në këngë dhe asaj në jetën reale, duke theksuar se realiteti është shumë më kompleks.
“Dashuria në jetën reale është më e komplikuar se ajo në këngë. Edhe unë jam më i komplikuar, por mundohem të mos bëhem toksik. Me kalimin e kohës, njeriu duhet të bëhet më i shëndetshëm emocionalisht”, përfundoi këngëtari.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
