Prokuroria Publike ndryshon përfundimisht: Çfarë sjell ligji i ri i propozuar nga qeveria?

Botuar nga Flaka 30 Dhjetor, 2025 22:54

Në mbledhjen e saj të 140-të, Qeveria miratoi Ligjin për Prokurorinë Publike, duke shënuar një hap të rëndësishëm në zbatimin e agjendës reformuese të Fushës 5 – Vlerat Fundamentale, me theks të veçantë në sundimin e së drejtës.

Ligji synon të forcojë pavarësinë, efikasitetin dhe llogaridhënien e prokurorisë publike, duke e bërë atë një shtyllë të besueshme të sistemit juridik dhe garantues të mbrojtjes së interesit publik. Ai është rezultat i një procesi gjithëpërfshirës të analizës, konsultimeve dhe harmonizimit me standardet evropiane dhe praktikat më të mira ndërkombëtare.

Ndryshimet kryesore përfshijnë procedura të qarta dhe transparente për zgjedhjen e Prokurorit Publik të Republikës së Maqedonisë së Veriut, bazuar në meritokraci, profesionalizëm dhe integritet, si dhe afate të detyrueshme për përzgjedhjen dhe avancimin e prokurorëve. Ligji parashikon gjithashtu kategorizim të përgjegjësisë disiplinore të prokurorëve, duke forcuar sigurinë juridike dhe përgjegjësinë profesionale.

Me këtë ligj, Qeveria riafirmon përkushtimin e saj ndaj reformave në drejtësi, si një prioritet i interesit publik dhe një parakusht për integrimin evropian, duke synuar ndërtimin e institucioneve të fuqishme, të pavarura dhe profesionale në shërbim të qytetarëve dhe sundimit të së drejtës. Gazeta Flaka

Botuar nga Flaka 30 Dhjetor, 2025 22:54

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.