Ligje të reja që hyjnë në fuqi në 2026 në Maqedoninë e Veriut
Botuar nga Flaka
Me fillimin e vitit 2026, Maqedonia e Veriut pritet të zbatojë disa ligje të reja që prekin biznesin, punësimin dhe administratën publike, me qëllim përmirësimin e transparencës dhe formalizimin e tregut, shkruan Gazeta Flaka
E‑faturimi i detyrueshëm
Nga 1 tetori 2026, të gjithë tatimpaguesit do të jenë të detyruar të përdorin sistemin e faturimit elektronik. Ky sistem synon të rrisë transparencën fiskale, të lehtësojë regjistrimin e transaksioneve dhe të luftojë ekonominë e zeze.
Ligji për instrumentet financiare dhe transparencën e tregut të kapitalit
Ky ligj do të hyjë gjithashtu në fuqi nga 1 tetori 2026 dhe harmonizohet me standardet e Bashkimit Evropian. Ai ka për qëllim të forcojë tregun e kapitalit, të mbrojë investitorët dhe të rrisë pjesëmarrjen e tyre në treg.
Rregullat për punësimin sezonale
Nga 1 janari 2026, hyn në fuqi një ligj që rregullon punësimin sezonale në sektorë si bujqësia, turizmi dhe shërbimet. Ligji krijon një kornizë më të qartë dhe fleksibël, duke formalizuar punën dhe mbrojtur të drejtat sociale të punëmarrësve.
Programi “City Safe” për sigurinë urbane
Nga shkurti 2026, do të nisë zbatimi i programit “City Safe”, një iniciativë që synon rritjen e sigurisë në qytete përmes kamerave të sigurisë, patrullimeve më të shpeshta dhe bashkëpunimit më të ngushtë me qytetarët. Programi synon parandalimin e krimeve dhe përmirësimin e sigurisë në hapësirat publike.
Ekspertët vlerësojnë se zbatimi i këtyre ligjeve dhe masave do të ndikojë pozitivisht në formalizimin e ekonomisë, rritjen e transparencës dhe forcimin e sigurisë qytetare, ndërsa qytetarët dhe bizneset duhet të përgatiten për ndryshimet që vijnë.
Këto masa shihen si hapa të rëndësishëm drejt modernizimit të administratës, harmonizimit me standardet evropiane dhe qyteteve më të sigurta. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
