Njohja e patentave të shoferëve: Ambasadori italian premton zgjidhje së shpejti
Botuar nga Flaka
Çështja e njohjes së patentave të shoferëve të lëshuara nga Republika e Maqedonisë së Veriut në Itali pritet të marrë zgjidhje në një afat të afërt. Kështu ka deklaruar ambasadori i Italisë, duke konfirmuar se autoritetet italiane janë të vetëdijshme për problemin dhe se po punohet për një marrëveshje konkrete, raporton Flala
Mijëra shtetas të RMV-së që jetojnë dhe punojnë në Itali përballen prej kohësh me vështirësi serioze, pasi patentat e tyre nuk njihen nga institucionet italiane. Kjo i detyron ata ose të pajisen me patentë ndërkombëtare për përdorim të përkohshëm, ose të hyjnë në procedura të gjata dhe të kushtueshme për marrjen e patentës italiane.
Problemi është thelluar veçanërisht pas lëshimit të dokumenteve me emrin kushtetues “Republika e Maqedonisë së Veriut”, të cilat nuk janë përfshirë ende në një marrëveshje bilaterale për njohje reciproke.
Sipas informacioneve zyrtare, Qeveria e RMV-së ka dorëzuar tashmë një projekt-marrëveshje për njohjen e patentave, ndërsa pala italiane është në fazën e shqyrtimit institucional. Ambasadori italian ka theksuar se ekziston vullnet politik për zgjidhje dhe se procesi po lëviz drejt finalizimit.
Deri në nënshkrimin dhe hyrjen në fuqi të marrëveshjes, situata mbetet e pandryshuar, por mesazhi diplomatik është i qartë: njohja e patentave është në agjendë dhe zgjidhja është çështje kohe. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
