Një grusht arra në ditë zvogëlon rrezikun nga vdekja e parakohshme, tregon studimi holandez
Botuar nga Drin Zenku
Një studim i fundit i Universitetit të Maastricht në Holandë ka konfirmuar se konsumimi i gjysmës së një grushti arra në ditë mund të ulë në mënyrë të konsiderueshme rrezikun nga vdekja e parakohshme.
Studimi dhjetëvjeçar përfshiu më shumë se 120,000 persona të moshës 55–69 vjeçare dhe analizoi shprehitë e tyre ushqimore dhe shkallën e vdekshmërisë pas dhjetë viteve. Rezultatet treguan se njerëzit që konsumuan të paktën 10 gram arra ose kikirikë në ditë kishin një rrezik 23% më të ulët për vdekje të parakohshme nga sëmundje të ndryshme, përfshirë kancerin, diabetin, sëmundjet e frymëmarrjes dhe sëmundjet neurodegjenerative.
Prof. Piet van den Brandt, drejtues i studimit, theksoi: “Është një zbulim i jashtëzakonshëm që edhe një sasi e vogël, rreth 15 gramë arra ose kikirikë në ditë, ka efekt të dukshëm në zvogëlimin e rrezikut të vdekjes.”
Ekspertët paralajmërojnë se kjo nuk mund të aplikohet për gjalpin e kikirikut, i cili përmban kripë dhe yndyrna të shtuar, dhe theksojnë rëndësinë e një diete të ekuilibruar që përfshin fruta dhe perime.
Ky studim shton provat për përfitimet shëndetësore të arrave dhe kikirikëve, duke i renditur ato si një pjesë të vlefshme të dietës ditore për mbrojtjen e shëndetit afatgjatë.
Flaka
Botuar nga Drin Zenku
Shqipëria e paprekshme
