Flaka Dossier Epstein – Kronika e një imuniteti elitar | Pjesa 17
Botuar nga Flaka
Bill Gates u kërkon falje punëtorëve për Epsteinin, pranon se kishte lidhje me dy ruse.
Njëri nga njerëzit më të pasur në botë, Bill Gates, “ka marrë përgjegjësi për veprimet e tij” lidhur me marrëdhëniet me financierin e ndjerë dhe të dënuar për abuzim seksual, Jeffrey Epstein gjatë një takimi të brendshëm me punonjësit e Gates Foundation, ka thënë një zëdhënës i fondacionit për Reuters.
Komentet e zëdhënësit erdhën si përgjigje ndaj një raporti të The Wall Street Journal, sipas të cilit, Gates u kishte kërkuar falje stafit për lidhjet e tij me Epstein gjatë atij takimi.
Njëri nga njerëzit më të pasur në botë, Bill Gates, “ka marrë përgjegjësi për veprimet e tij” lidhur me marrëdhëniet me financierin e ndjerë dhe të dënuar për abuzim seksual, Jeffrey Epstein gjatë një takimi të brendshëm me punonjësit e Gates Foundation, ka thënë një zëdhënës i fondacionit për Reuters.
Komentet e zëdhënësit erdhën si përgjigje ndaj një raporti të The Wall Street Journal, sipas të cilit, Gates u kishte kërkuar falje stafit për lidhjet e tij me Epstein gjatë atij takimi.
Dokumentet e publikuara nga U.S. Department of Justice (DOJ) tregojnë se Gates dhe Epstein ishin takuar disa herë pas dënimit me burgim të Epsteinit, për të diskutuar zgjerimin e përpjekjeve filantropike të themeluesit të Microsoftit.
Sipas raportit të gazetës, Gates u ka thënë punonjësve se ishte një gabim i madh të kalonte kohë me Epsteinin dhe të përfshinte drejtues të fondacionit në takime me të. Raporti citon një regjistrim të komenteve të bëra nga Gates gjatë takimit.
“U kërkoj falje njerëzve të tjerë që u përfshinë në këtë për shkak të gabimit që bëra”, citohet të ketë thënë ai.
Gazeta shton se Gates e ka pranuar gjithashtu se kishte pasur dy lidhje jashtëmartesore me gra ruse, të cilat Epsteini i kishte zbuluar më vonë, por që nuk kishin lidhje me viktimat e Epsteinit.
Nuk kam bërë asgjë të paligjshme. Nuk kam parë asgjë të paligjshme”, thuhet se Gates u ka thënë punonjësve, sipas raportit.
Dokumentet e publikuara nga DOJ përfshinin edhe fotografi të Gates duke pozuar me gra, me fytyrat e tyre të redaktuara. Gates ka deklaruar më parë se marrëdhënia me Epstein ishte e kufizuar në diskutime të lidhura me filantropinë dhe se takimet me të ishin një gabim.
Sipas raportit, Gates i ka thënë stafit se fotografitë ishin bërë me kërkesë të Epsteinit, me asistente të tij, pas takimeve.
Për ta bërë të qartë, unë kurrë nuk kam kaluar kohë me viktimat, me gratë rreth tij”, ka shtuar Gates, sipas raportit.
Në fillim të këtij muaji, Fondacioni Gates ka deklaruar se nuk kishte bërë asnjë pagesë financiare ndaj Epsteinit dhe nuk e kishte punësuar atë në asnjë moment.
Fondacioni Gates, i drejtuar nga Bill Gates dhe i themeluar prej tij dhe ish-bashkëshortes së tij në vitin 2000, është një nga financuesit më të mëdhenj në botë të nismave globale për shëndetin. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
