Konflikti Iran-SHBA-Izrael zgjerohet në rajon: Deri tani preken të paktën 9 shtete
Botuar nga Driton Zenku
Konflikti mes Iran, Shtetet e Bashkuara të Amerikës dhe Izrael po merr përmasa gjithnjë e më të gjera, duke u përhapur përtej kufijve të tre palëve kryesore dhe duke përfshirë disa vende të Lindjes së Mesme.
Sipas raportimeve ndërkombëtare, përveç Iranit dhe Izraelit, incidente ushtarake, sulme me raketa apo dronë dhe aktivizime të sistemeve mbrojtëse janë shënuar edhe në Liban, Arabia Saudite, Emiratet e Bashkuara Arabe, Bahrain, Kuvajti, Katar dhe Jordania, shkruan Gazeta Flaka.
Në Liban janë raportuar shkëmbime zjarri mes Izraelit dhe Hezbollahut, ndërsa disa shtete të Gjirit kanë aktivizuar sistemet e mbrojtjes ajrore për shkak të kërcënimeve me raketa dhe dronë. Baza ushtarake amerikane në rajon janë vendosur në gatishmëri të lartë, ndërsa trafiku detar në zonat strategjike, përfshirë Ngushticën e Hormuzit, është ndikuar nga tensionet.
Zgjerimi i konfliktit në të paktën nëntë shtete e shndërron krizën aktuale në një nga përshkallëzimet më të mëdha rajonale të viteve të fundit, me pasoja të mundshme jo vetëm në siguri, por edhe në tregjet globale të energjisë dhe ekonominë ndërkombëtare.
Situata mbetet e paqëndrueshme, ndërsa komuniteti ndërkombëtar po bën thirrje për përmbajtje dhe shmangie të një lufte të gjerë rajonale. Gazeta Flaka
Botuar nga Driton Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
