Ambasadori i Shqipërisë në Shkup organizon iftar me diplomatë dhe përfaqësues të shoqërisë civile
Botuar nga Flaka
Ambasadori i Shqipërisë në Shkup, Denion Meidani, ka organizuar një mbrëmje iftari në ambientet e Ambasadës së Shqipërisë në Shkup, ku morën pjesë diplomatë, përfaqësues të shoqërisë civile dhe studentë.
Në këtë mbrëmje ishin të pranishëm ambasadorët e Mbretërisë së Bashkuar, Italisë, Zvicrës, Spanjës dhe Suedisë, përfaqësues nga Ambasada e Shteteve të Bashkuara të Amerikës, si dhe të rinj e përfaqësues të shoqërisë civile.
Të pranishëm ishin edhe presidentët e parlamenteve studentore të Universiteti “Nënë Tereza” dhe Universiteti i Evropës Juglindore, përfaqësues të lëvizjes studentore, si dhe futbollistë të klubit KF Bashkimi.
“Një mbrëmje iftari e organizuar nga Ambasada e Shqipërisë në Shkup. Mes miqsh dhe partnerësh: ambasadorët e Mbretërisë së Bashkuar, Italisë, Zvicrës, Spanjës dhe Suedisë, përfaqësues nga Ambasada e SHBA-së, si dhe të rinj e përfaqësues të shoqërisë civile”, ka shkruar ambasadori Meidani.
Ai shtoi se atmosfera e mbrëmjes ishte shumë miqësore dhe e ngrohtë.
“Një mbrëmje e ngrohtë mes bisedash të mira, respekti dhe miqësie. Agjërim të lehtë dhe të pranuar për të gjithë besimtarët”, theksoi Denion Meidani.
KF Bashkimi 1947 pjesë e iftarit të organizuar nga ambasadori Denion Meidani
Klubi futbollistik KF Bashkimi 1947 mori pjesë në iftarin e organizuar nga Ambasada e Republikës së Shqipërisë në Maqedoninë e Veriut, me ftesë të ambasadorit Denion Meidani.
Në këtë aktivitet, klubi u përfaqësua nga kapiteni i ekipit Armend Alimi, si dhe nga dy futbollistët e rinj me perspektivë, Rexhep Murati dhe Adis Murati.
Nga KF Bashkimi 1947 shprehën mirënjohje për organizimin dhe mikpritjen.
“FC Bashkimi 1947 falënderon Ambasadën e Shqipërisë dhe në veçanti ambasadorin, ekselencën e tij z. Denion Meidani, për ftesën dhe mikpritjen e ngrohtë.”
Iftari i organizuar nga Ambasada shqiptare mblodhi përfaqësues të ndryshëm nga jeta publike dhe shoqërore, në një atmosferë miqësore gjatë muajit të Ramazanit.
Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
