Zejd Rexhepi: Kujt i bëhet vonë nëse shkrihet VLEN-i?
Botuar nga Flaka
Kryetari i Lëvizjes Populli, Skender Rexhepi – Zejd, sonte në emisionin “Debat në SHENJA”, ka ironizuar zhvillimet rreth koalicionit VLEN, duke thënë se nuk i intereson nëse ky subjekt do të funksionojë si parti apo do të shkrihet.
Rexhepi u ndal edhe te vizita e përfaqësuesve shqiptarë në Prekaz, duke theksuar se secili shkon atje me qëllimet e veta.
“Mua personalisht nuk më bëhet vonë për mënyrën e funksionimit të VLEN-it. Vizita e shqiptarëve në Prekaz bëhet për arsye të ndryshme: dikush shkon për të lavdëruar punën e madhe të familjes Jashari, dikush për të promovuar veten, e dikush për të hapur ndonjë derë të vogël për synimet e tyre politike,” tha Rexhepi.
Sipas tij, për fat të keq, edhe vizita e përfaqësuesve të VLEN-it kishte më shumë motive politike.
“Ata mendojnë se me lojën e tyre VLEN-i ose do të bëhet një parti, ose do të shkrihet. Kujt i bëhet vonë? Le të shkrihen njëherë,” deklaroi Rexhepi.
“VLEN-i vetëm i përkthen deklaratat e Mickoskit, fatkeqësisht këta nuk kanë fuqi as të merren me çështjen e provimit të jurisprudencës, thjesht çfarë thotë Mickoski, VLEN-i vetëm po i përkthen deklaratat e tij”, kështu u shpreh Skender Rexhepi-Zejdi, në emisionin “Debat në Shenja”.
Kryetari i Lëvizjes Populli, Zejd Rexhepi, gjithashtu ka folur edhe për ndryshimet për kodin zgjedhor ku kjo çështje ishte edhe pjesë e takimit mes liderëve. Rexhepi tha se do duhet të kemi ndryshime në kodin zgjedhor, ku sipas tij nëse VMRO dëshiron të ketë zgjedhje fer dhe demokratike atëherë do të duhet të pranon kodin zgjedhor me 1 njësi zgjedhore.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
