VLEN një parti, ende asgjë konkrete – Fjalën e fundit e ka Alternativa!

Ndërsa VLEN-i po përgatitet të shndërrohet në një parti të vetme, mbetet vetëm që Alternativa të japë pëlqimin final për të zyrtarizuar procesin.

“Ka mbetur ashtu siç e kemi potencuar që Alternativa këto vendime t’i kalojë në organet e partisë dhe të vazhdojë procesi i formal i ngritjes së strukturave të përbashkëta të VLEN-it”, tha Bilall Kasami, duke shtuar se marrëveshja parashikon dy kryetarë, ai bashkë me Izet Mexhitin, dhe ndarje të pushtetit në pesë pjesë nga 20%. Megjithatë, sipas Kasamit, Alternativa ende po vendos nëse do të pranojë këtë model.

“Bëhet fjalë për një dakordësi paraprake që lidershipi të jetë me dy bashkëkryetarë, me dy nënkryetarë, sekretar gjeneral dhe pjesa tjetër organizative. Po ashtu, ndarja e pushtetit do të jetë 5 nga 20% e strukturës së organeve të partisë, por për detajet përfundimtare do të vendosin organet e Alternativës”, shtoi Kasami.

Ndërkohë, jashtë këtij procesi mbetet Arben Fetai, i cili reagoi ashpër pas largimit:

“Mësimi është i thjeshtë: kur një lëvizje fillon të konsumojë njerëzit e saj për shkak të apetiteve të fraksioneve, ndonjëri prej tyre mund të forcohet përkohësisht, por në fund, lëvizja e han kokën e vet”, shkroi Fetai.

I pyetur mbi situatën, Kasami theksoi se VLEN-i synon të jetë një organizatë gjithëpërfshirëse dhe të përfshijë sa më shumë subjekte dhe faktorë politikë, por shtoi se askënd nuk mund ta mbajnë me forcë brenda strukturave.

Ky zhvillim nënvizon tensionet e brendshme dhe dilemat politike që lidhen me transformimin e koalicionit në një parti të vetme, teksa Fetai mbetet jashtë skemës së re të pushtetit brenda VLEN-it.

11

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•