Arbër Ademi nga BDI godet Izet Mexhitin dhe VLEN-in: Premtuan shumë, sot heshtin

Sekretari gjeneral i Bashkimi Demokratik për Integrim, Arbër Ademi, ka drejtuar kritika të ashpra ndaj drejtuesve të koalicionit VLEN dhe zëvendëskryeministrit Izet Mexhiti, duke i akuzuar për heshtje dhe për mbrojtje të kryetarit të Gjykata Kushtetuese e Maqedonisë së Veriut, Darko Kostadinovski.

Ademi rikujtoi premtimet që, sipas tij, VLEN i kishte bërë shqiptarëve para se të hynte në pushtet.

“Ju kujtohen me siguri sloganet e tyre: ‘po vjen era shtet’, ‘rrini rahat’, ‘rrini rahat se ka kush kujdeset për shqiptarët’, ‘rrini rahat se sot shqiptarët janë në pushtet’, ‘do ta avancojmë gjuhën’, ‘do ta heqim formulimin 20%’”, ka shkruar Ademi.

Sipas tij, ndërkohë që shqiptarëve u premtonin shumë, drejtuesit e VLEN-it, sipas tij, u “rehatuan në kolltuqe”.

“Por ndërkohë që shqiptarëve u premtonin gjithçka, vetë u rehatuan në kolltuqe si humbës, pa takat dhe pa zë. Sot, derisa ata heshtin, Darko Kostadinovski flet edhe në emër të tyre”, ka theksuar deputeti i BDI-së.

Ademi shtoi se për dy vite, sipas tij, përfaqësuesit e VLEN-it kanë mbrojtur Kostadinovskin.

“Madje jo vetëm që heshtin, por prej dy vitesh e mbrojnë me zell. Për ta rikujtuar: në seancën e 59-të të Kuvendit, më 9 korrik 2025, VLEN u vu në mbrojtje të Kostadinovskit duke votuar për ta hequr, në mënyrë të paligjshme, pikën e rendit të ditës për interpelancë ndaj tij”, ka deklaruar Ademi.

Ai akuzon se për shkak të kësaj mbrojtjeje nuk është lejuar as debat për përgjegjësinë e tij.

“Aq shumë e mbrojnë, sa nuk lejojnë as të diskutohet përgjegjësia e tij. Prandaj Kostadinovski vazhdon të shkelë Kushtetutën dhe ligjet. Por përgjegjësisë nuk mund t’i ikni. Mjaft më!”, ka përfunduar Ademi.

9

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•