Blerim Bexheti: “Mjaft më! Gjykata Kushtetuese po sillet si organ parapolitik”

Deputeti i BDI-së, Blerim Bexheti, kritikon ashpër sjelljen e kryetarit të Gjykatës Kushtetuese dhe kolegëve të tij maqedonas, duke i konsideruar ata si përfaqësues të një mentaliteti që sheh barazinë si problem dhe jo si parim kushtetues.

“Vjen një moment kur duhet thënë: Mjaft më! Paramendoni një kryetar të një organi ‘parapolitik’ të quajtur Gjykatë Kushtetuese, ku në praktikë funksionon vetëm një parim, ai i majorizimit etnik dhe mbivotimit të gjykatësve shqiptarë,” tha Bexheti.

Ai shtoi se kryetari i gjykatës nuk përmend asnjëherë që gjuha shqipe është gjuhë zyrtare, edhe pse Kushtetuta e përcakton këtë si detyrë që ai vetë duhet ta mbrojë. “I njëjti person, me arrogancë, nuk lejon përdorimin e gjuhës shqipe as në shqiptimin e dënimeve për shkelje të rregullave në trafik,” theksoi Bexheti.

Deputeti i BDI-së vuri në dukje se problemi nuk është më juridik, por politik. “Sepse nëse edhe në çështje kaq elementare gjuha shqipe trajtohet si e tepërt, atëherë problemi nuk është më juridik. Problemi është politik dhe trajtohet nga një organ që pretendon të jetë kushtetues, por që sillet si parapolitik,” tha Bexheti.

Ai përfundoi me një paralajmërim për ata që heshtin para padrejtësive: “Dhe në këtë pikë bëhet e qartë: disa njerëz mund ta veshin petkun e gjyqtarit, por nuk arrijnë ta heqin petkun e nacionalistit. Për vasalët që heshtin para padronit… as S’VLEN më të flitet!” Gazeta Flaka

9

SONDAZHI

Cili është vlerësimi juaj për punën e Gjykatës Kushtetuese? 

Instrument i pushtetit të VMRO-DPMNE

Mbron Kushtetutën

Nuk kam mendim

• 
• 
• 
• 
• 
• 
•