Studim i ri: Manaferrat e kuqe, plot përfitime të mëdha për sheqerin dhe funksionin mendor
Botuar nga Drin Zenku
Një studim i ri i publikuar në British Journal of Nutrition tregon se shtimi i manaferrave të kuqe (red raspberries) në dietë mund të ketë efekte pozitive të dukshme në kontrollin e sheqerit në gjak dhe në funksionet mendore – dhe kjo edhe brenda disa orësh pas një vakti.
Hulumtimi përfshiu 36 të rritur të moshës 55–70 vjeç me peshë të tepërt ose obezitet, të cilëve iu dha një vakt të pasur me karbohidrate dhe yndyrna, ku një grup konsumoi edhe 25 gramë pluhur manaferrash të ngrira dhe tharë përmbi ushqimin. Rezultatet treguan se pas këtij vakti:
Rritja e sheqerit në gjak ishte më e vogël në krahasim me grupin kontrollues, duke treguar se manaferrat ndihmojnë në uljen e nivelit të glukozës pas ushqimit.
Përgjigja e insulinës ishte më e ulët, një tregues që trupi mund të përdorë sheqerin më efikasisht, një faktor i rëndësishëm për shëndetin metabolik.
Në testet e kujtesës dhe mësimit të aplikuara pas vakteve, pjesëmarrësit që konsumuan manaferrat performuan më mirë, me më pak gabime dhe strategji më efikase në detyra që kërkojnë fokus dhe memorje.
Gjithashtu u pa ulje e shenjave të inflamacionit nervor në mostrave të gjakut — një sinjal që këto fruta mund të ofrojnë edhe një efekt mbrojtës për trurin pas ushqimit.
Ekspertët shpjegojnë se përbërësit bioaktivë të manaferrave si polifenolët, të cilët janë antioksidantë natyralë, ndikojnë në mënyrë pozitive në metabolizëm dhe në funksionet e trurit — duke sugjeruar se përfshirja e tyre në vaktet ditore mund të jetë një strategji e thjeshtë dhe e shëndetshme për t’u kujdesur për sheqerin e gjakut dhe shëndetin mendor, sidomos me moshimin.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
