Tetovë : Bastisje, plagosje dhe sulme me armë brenda 24 orëve
Botuar nga Flaka
Policia në Tetovë ka kryer një bastisje me urdhër gjykate në shtëpinë e I.B. (43), ku janë gjetur sende për të cilat dyshohet se rrjedhin nga një vepër penale. I.B. është privuar nga liria dhe pas dokumentimit të plotë do të parashtrohet kallëzim përkatës.
Në të njëjtën ditë, më vonë, SPB Tetovë ka regjistruar një incident ku Xh.V. (26) nga Tetova raportoi se automjeti i tij është bllokuar në rrugën lokale drejt fshatit Bërvenicë, ku disa persona me sende të forta dhe armë kanë dëmtuar makinën e tij.
Po ashtu, I.U. (66) nga fshati Zhelinë ka denoncuar një kërcënim me objekt të mprehtë nga N.Q., në një autobus të linjës lokale.
Sakaq, Më 14.03.2026, rreth orës 11:45 në Tetovë, zyrtarë policorë nga SPB Tetovë, me urdhër gjykate, kanë kryer kontroll në një punëtori automobilistike në pronësi të B.I. (35) nga Tetova.
Gjatë kontrollit janë gjetur sende për të cilat ekziston dyshimi se rrjedhin nga vepër penale. Janë privuar nga liria B.I. (35) nga Tetova, D.A. (27) nga fshati Reçicë e Vogël dhe S.R. (30) nga fshati Pallçisht i Poshtëm.
19-vjeçarja nga Tetova ndodhet në gjendje stabile pas rënies nga ballkoni i katit të tretë, por ka pësuar lëndime të rënda në shpinë, njofton Alsat-M.
Policia dhe prokuroria kanë ndërhyrë në banesë me ndihmën e zjarrfikësve, pasi ballkoni ishte i mbyllur nga jashtë dhe duhej përdorur pajisje speciale për të kryer ekspertizën.
“Kur arritëm në vendngjarje, kuptuam se për të hyrë në banesë nevojiteshin shkallë të gjata, dhe intervenimi ynë u krye për të mundësuar ekspertizën,” deklaroi Avni Ameti, Shef i NJTKZ Tetovë.
Sektori i Punëve të Brendshme të Tetovës konfirmon se rreth orës 19:40 u raportua rënia e vajzës, e cila menjëherë u transportua në Spitalin Klinik në Shkup. Hetimet për zbardhjen e plotë të rrethanave të ngjarjes janë duke vazhduar, ndërsa prokuroria është angazhuar për sqarimin e plotë të rastit.
Rastet e shumta brenda 24 orëve kanë ngritur alarmin në qytet, ndërsa autoritetet po vijojnë hetimet për të gjithë ngjarjet. Gazeta Flaka
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
