Trump paralajmëron sulme të tjera ndaj Iranit, tensionet rriten në Ngushticën e Hormuzit
Botuar nga Drin Zenku
Presidenti Donald Trump deklaroi se, megjithëse një pjesë e ishullit strategjik iranian Harg u shkatërrua nga sulmet amerikane, ai mund të urdhërojë sulme të tjera ndaj objektivave ushtarake në këtë rajon. Sipas Trump, forcat amerikane kanë “shkatërruar plotësisht” objektivat ushtarake iraniane, por nuk kanë prekur infrastrukturën e naftës. Ai paralajmëroi se do t’i godasë ato nëse Irani ndërpret trafikun në Ngushtica e Hormuzit.
Trump i ka kërkuar Kinës, Francës, Japonisë, Koresë së Jugut dhe Mbretërisë së Bashkuar të dërgojnë anije luftarake për të shoqëruar cisternat e naftës përmes ngushticës, por deri tani nuk ka konfirmim nëse vendet e përmendura do të pranojnë.
Në një intervistë për NBC, presidenti amerikan tha se nuk është ende i gatshëm për një marrëveshje me Iranin për t’i dhënë fund tensioneve, duke theksuar se kushtet aktuale nuk janë të mjaftueshme.
Ndërkaq, ministri i Jashtëm i Turqi, Hakan Fidan, tha se, edhe pse nuk ka iniciativë serioze për rifillimin e negociatave midis SHBA-së dhe Iranit, Teherani është i hapur për bisedime përmes kanaleve të tërthorta. “Çdo dy ose tre ditë unë bisedoj me homologun tim iranian. Ata ndihen të tradhtuar sepse u sulmuan gjatë bisedimeve, por janë të hapur për diplomaci të arsyeshme përmes kanaleve të tërthorta”, tha Fidan.
Presidenti Trump minimizoi shqetësimet për çmimin e energjisë, duke thënë se pas përfundimit të konfliktit, çmimet e karburanteve do të bien. Ndërkaq, Irani ka paralajmëruar se do ta mbajë të mbyllur ngushticën dhe se çmimet e naftës mund të arrijnë deri në 200 dollarë për fuçi nëse sulmet vazhdojnë.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
