Alsat-M: Tension në VLEN: Fetai dhe Limani mbeten në qeveri pa koordinim me strukturat partiake
Botuar nga Flaka
Arben Fetai dhe Fatmir Limani do të vazhdojnë të jenë pjesë e eshalonit ekzekutiv të VLEN-it, edhe pse në strukturat amë partiake kanë humbur potencialin politik, ndërsa funksionet i ushtrojnë me pëlqimin e kryeministrit Hristijan Mickoski, por pa koordinim me VLEN-in, raporton Alsat.
Kjo situatë ka vënë në siklet koalicionin, i cili paralajmëron të shndërrohet në parti, pasi duket se pa miratimin e kryeministrit, VLEN nuk ka fuqi të zëvendësojë kuadrot e saj. Përfaqësues të koalicionit theksojnë:
“Tash jemi në proces të krijimit të VLEN dhe nuk diskutohen tema në lidhje me rikosntruimin e qeverisë apo shkarkimet. Kur hapet tema e rikonstruimit të qeverisë do ta diskutojmë brenda VLEN dhe me partnerët qeveritarë.”
Muajin e kaluar, kryeministri Mickoski u përplas me Bilall Kasamin, i cili kërkonte shkarkimin e ministrit Limani. Kasami deklaroi më 12 shkurt 2026:
“Çdo subjekt politik pjesë e koalicionit qeveritar bën propozime dhe sigurisht në konsultim me kryeministrin përcakton edhe emrat. Në këtë rast, konstatova që ministri në fjalë ka lënë shumë për të dëshiruar.”
Kryeministri përgjigjej prerë:
“Unë jam mandatar i qeverisë dhe unë e formoj qeverinë. Nëse dikush e ka harruar këtë, ja, të ja kujtojmë.”
Megjithatë, Limani nuk u shkarkua. Javën e kaluar u bë debat udhëtimi i tij në Tiranë, ku mori pjesë në iftarin e organizuar nga Edi Rama, pikërisht në ditën kur përfaqësues të VLEN-it darkuan me Mickoskin. Fotografitë e Limanit, i shoqëruar me Ali Ahmetin dhe Arben Taravarin, shkaktuan bujë në rrjetet sociale dhe kritikë nga vetë VLEN-i.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
