Roma dhe Interi vendosin të ardhmen e trajnerit te Milani

Botuar nga Drin Zenku 13 Prill, 2024 10:50

Mjaftuan nëntëdhjetë minuta jo në nivelin e pritur dhe një kualifikim i vështirë në gjysmëfinalen e Europa League për të ndryshuar edhe një herë perspektivat e Stefano Piolit për të ardhmen e tij te kuqezinjtë.

Është e qartë për të gjithë, se e ardhmja e trajnerit nuk ishte vendosur me konfirmimin e paralajmëruar, por do të vendoset në 8 ditët e ardhshme.

Ndeshjet kundër Romës dhe Interit, do të na tregojnë jo vetëm nëse sezoni i Milanit mund të shpëtohet ende, por edhe nëse trajneri i tyre me të drejtë mund të shpresojë të qëndrojë në vendin e tij edhe në sezonin që do të vijë.

Është e qartë që drejtuesit nuk e kanë përtypur fare humbjen ndaj Romës në ndeshjen e parë çerekfinale të Europa League në “San Siro”. Klubi ishte dhe është i vetëdijshëm për vështirësinë e fitimit të trofeut, por shpresonte që të kalonte me sukses përballjen e dyfishtë në Evropë kundër verdhekuqve.

Njeriu që fitoi titullin e dy viteve më parë është sërish afër fundit të aventurës së tij te kuqezinjtë po ka një mundësi për të shmangur fundin e rrugëtimit të tij te Milani menjëherë: përmbysja ndaj Romës, që sjell kualifikimin për gjysmëfinalen evropiane, dhe të mos humbasë, ose më mirë të fitojë, ndaj Interit, duke shtyrë për një javë festën e titullit të zikaltërve.

Një mision jo i pamundur, por tepër i komplikuar, që rinovon vorbullën e emrave të lidhur me pankinën e Milanit. Nga Lopetegui tek i zakonshmi Antonio Conte, i cili, siç thonë ata, po merr kohë me De Laurentiis dhe Napoli, ndërsa pret të kuptojë se si do të përfundojë java e gjatë e “djallit”.

Botuar nga Drin Zenku 13 Prill, 2024 10:50

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.