”U bë sahati 12, shtriga nuk erdhi”…
Botuar nga Flaka
Nga Nafie Selmani
“U bë sahati 12, shtriga nuk erdh” – ishte një lojë që e luanim kur ishim të vogla
Në një analogji të zhvillimeve politike të sotme, loja mund të quhet kështu: “Kaloi një vit, VLEN-i nuk u bë një.”
Kam shkruar që para shumë muajve se brenda këtij koalicioni raportet janë më shumë armiqësore dhe rivale sesa bashkëpunuese, dhe se bashkimi i tyre real është i pamundur, pavarësisht deklaratave të rrejshme që i jipnin ata për media.
Sot, megjithatë, është intresante të parashtrojmë pyetjen: Pse nuk po shkrihet Alternativa?!
Dhe, për këtë kam një përgjigje. Alternativa po e shfrytëzon situatën. Nga VLEN-i u largua i pari Taravari, u largua edhe Arben Fetai, ndërsa aty nuk është as Fatmir Limani. Plot aktivistë poashtu janë larguar të dëshpëruar. Kjo gjendje po i krijon hapësirë manovrimi Alternativës e cila edhe pse një parti e vogël sherin e ka te madh, dhe e ka dëshmuar se di ta përdorë momentin politik.
Alternativa vërtetë quhet “partia e minibusit”, por për ekzibicione është e aftë. Rikujtojmë se ajo edhe përkundër madhësisë së saj, ka arritur tri herë të bëhet pjesë e qeverive të ndryshme. Dhe kjo nuk ka ndodh rastësisht.
Megjithatë, për hir të korrektësisë dhe drejtësisë, duhet thënë edhe se në një pikë Bekim Sali ka plotesisht të drejtë. Ai nuk po pranon të bëjë lëshim që të barazohet me Bekim Qokun, pa votues, pa struktura, pa peshë politike dhe me një histori të pasur me gafe dhe skandale mediatike.
Prandaj, për hir të drejtësisë, në këtë rast e mbështes 100% Bekim Salin. Edhe pse ai u pat bë bashkë me Qokun kundër meje, ndërkohë që para do viteve unë si lypsare kërkoja vota për Salin, madje njëherë bashkë me gruan dhe motrën e tij. Ndërsa, nga ai kurrë nuk kam kërkuar asgje. A është kështu, Bekim?
Prandaj, sido që ka qenë Bekim, mos l’sho pe!
Nuk krahasohesh ti me Qokun. Sinqerisht!
Në asnjë pikë nuk mund të krahasohesh as barazohesh me Qokun, përveç që emrat i keni njësoj.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
