Paraqitet Furkan Saliu nga Stacioni Policor në Autokomandë

“Për momentin po mbahem në stacionin policor në Avtokomandë. Më vjen keq që me sjelljen time ndoshta kam ndikuar që situata të eskalojë që në fund të përfundoj në pranga. Më vjen keq edhe nëse ju kam deshpëruar juve që keni besuar në punën time. Ju siguroj që unë nuk kam sulmuar polic”, jep sqarim Furkan Saliu pas arrestimin nga Policia, përcjell Flaka Media

Edhe pse gjithçka ka qenë e xhiruar, shton Salia, policia i ka fshirë materialet në stacion policor. Saliu shkruan se në veturën e tij është gjetur armë me leje dhe e gjithë situata ka qenë e xhiruar.

“Sa i përket armës që është gjetur në veturën time, arma është me leje dhe është gjetur në veturën time. Gjatë arrestimit tim telefoni, çelësat me kanë rënë prej xhepi dhe kameramani im i ka marrë. Pa urdhër të gjykatës dhe pa qenë unë prezent si pronar i veturës është kontrolluar nga njesiti special. Vepra e cila më ngarkohet, sulm ndaj nëpunesit policor nuk mban ujë dhe asnjëherë nuk mund të dëshmohet. Faleminderit për përkrahjen dhe shpresoj se do shihemi shumë shpejt”, shkruan Saliu. Flaka Media