Agron Demiri bëhet anëtar i Kuvendit Qendror të LSDM-së

Pas përfundimit të Kongresit të fundit të LSDM-së, Agron Demiri është emëruar anëtar i Kuvendit Qendror të partisë, duke marrë një përgjegjësi të rëndësishme për përfaqësimin e interesave të qytetarëve dhe zhvillimin e mëtejshëm të politikave të partisë.

Në një deklaratë për publikun, Demiri e përshkroi këtë emërim si një nder dhe privilegj të madh, të cilin e pranon me përulësi dhe përkushtim të plotë. Ai zotohet të dëgjojë çdo qytetar që beson se Maqedonia e Veriut meriton të jetë një shtet stabil, pro-evropian dhe i fokusuar te mirëqenia e qytetarëve të saj.

“Vizioni i ‘Një shoqëri për të gjithë’ është themeli mbi të cilin do të ndërtojmë të ardhmen, përmes politikave të reja dhe strategjive për zhvillim të qëndrueshëm,” deklaroi Demiri, duke theksuar rëndësinë e përfshirjes dhe transparencës në proceset partiake dhe institucionale.

:Kjo është hera e parë që Demiri merr një rol të tillë në krye të proceseve brenda LSDM-së. Ai shprehu besim të plotë në lidershipin e Venko Filipçes dhe ekipin e tij, duke theksuar përkushtimin për të punuar së bashku për një të ardhme më të mirë për të gjithë. Ky emërim pasqyron angazhimin e LSDM-së për të promovuar energji të reja dhe liderë të rinj në strukturat e saj, duke forcuar vizionin e partisë për një shoqëri të barabartë dhe progresive”, përfundon ai.