Vdekja e foshnjës, BDI: Kërkojmë hetim të thellë

Botuar nga Flaka 16 Dhjetor, 2024 22:49

Bashkimi Demokratik për Integrim ka reaguar ndaj rastit të foshnjës 7 muajshe e cila ka ndërruar jetë në Klinikën për Sëmundje të Fëmijëve në Shkup.

Nga BDI thonë se në këtë klinikë kanë humbur jetë 5 fëmijë brenda pak muajve, ndaj kërkojnë përgjgjësi për ngjarjet e ndodhura.

KUMTESË

Me shqetësim të thellë dhe revoltë të madhe ndjekim raportimet për humbjen tragjike të një foshnje 7-muajshe, e cila, sipas denoncimeve, fillimisht ishte refuzuar për hospitalizim në Klinikën për Sëmundje të Fëmijëve, për t’u pranuar vetëm pas 48 orësh, kur gjendja e saj ishte përkeqësuar deri në kolaps të organeve.

Ky rast i rëndë nuk është i izoluar, pasi në muajin e fundit e gjysmë janë raportuar humbje të jetëve të pesë fëmijëve në të njëjtën klinikë.

Këto ngjarje janë shembull i papranueshëm i neglizhencës dhe keqmenaxhimit në institucionet shëndetësore, të cilat duket se kanë humbur ndjeshmërinë dhe përgjegjësinë për të mbrojtur më të pafajshmit – fëmijët tanë.

Mosveprimi në kohë dhe mungesa e kujdesit adekuat po kushtojnë jetë njerëzore, ndërsa institucionet heshtin përballë këtij realiteti tragjik.

Kërkojmë hetim të thellë, të pavarur dhe transparent për këtë rast dhe për të gjitha ngjarjet e ngjashme, për të identifikuar shkaqet e kësaj neglizhence dhe për të vendosur përgjegjësitë e plota ndaj përgjegjësve dhe strukturave që kanë dështuar në përmbushjen e detyrës së tyre.

Nuk mund të lejojmë që pakujdesia dhe neglizhenca të vazhdojnë të marrin jetë të pafajshme.

Botuar nga Flaka 16 Dhjetor, 2024 22:49

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.