Fërkime mes LSDM dhe VLEN për punët e shtetit

Botuar nga Flaka 22 Shkurt, 2025 22:25

“Deklarata e zëvendëskryeministrit Izet Mexhitit se Qeveria do të punësojë 2.000 deri 3.000 kuadro partiak të Mexhitit në administratën shtetërore është një skandal pa precedencë”, thonë nga opozitarja LSDM.

Ata thonë se partizimi masiv i administratës para zgjedhjeve është dakorduar me Mickoskin.

Socialdemokratët pyesin nëse listat e punësimeve janë në tavolinën e kryeministrit Mickoski.

“Sipas cilave kritere do të zgjidhen këto 3.000 të punësuar? A do të ketë konkurse publike ose tashmë ekziston lista e kandidatëve të “përshtatshëm”? A është kjo listë tashmë në tavolinën e Hristijan Mickoskit? A hesht OBRM-PDUKM për shkak se tashmë është dakorduar se pjesë e këtyre punësimeve do të jenë edhe kuadra të tyre? LSDM kërkon: Antikorrupsioni urgjentisht të veprojë pas kësaj deklarate. Urgjentisht të stopohen punësimet momentale në administratën shtetërore. Hetime të plota për këtë skandal nga institucionet kompetente. Kjo nuk guxon të mbetet e pandëshkuar”, thonë nga LSDM.

Ata përmendin se me këto veprime po kthehet mënyra e funksionimit të institucioneve shtetërore, njejtë si në kohën e ish-kryeministrit Nikolla Gruevski.

Nga koalicioni shqiptar në Qeveri, VLEN, thonë se po e ndryshojnë gjendjen në shëndetësi. VLEN thonë se deri sa ky resor në ekzekutiv udhëhiqej nga LSDM dhe deri sa në krye të Ministrisë së Shëndetësisë ishte Venko Filipçe, sistemi shëndetësor ishte në, siç thonë ata kolaps.

“Nën udhëheqjen e Venko Filipçes, shëndetësia ishte në kolaps, duke lënë qytetarët në pasiguri dhe dhimbje. Kur Filipçe ishte ministër, shëndetësia ishte në vdekje klinike! Spitalet pa pajisje, klinikat dhe spitalet të mbytyra në borxhe, dhe me staf mjekësor të shkurtuar që mezi mund të punonte. Pasiguria dhe dështimi ishin udhërrëfyesit e tij! Filipçe dhe LSDM ishin pjesë e skandaleve të shumta, duke filluar nga spitali modular në Tetovë, Durnmo Tours, Onkologjia dhe blerja e vaksinave kineze. Ai bashkë me BDI-në lanë shëndetësinë të mbytur në pasiguri, duke përdorur punonjësit shëndetësorë si vegla elektorale! Por, me Arben Taravarin në krye, kjo praktikë shkatërrues po merr fund! Pasiguria po largohet, dhe mbi 1000 punonjës shëndetësorë po sistemohen. Në vitin e parë të ministrisë së Taravarit, VLEN ka bërë hapa të jashtëzakonshëm për të ndryshuar shëndetësinë! Pas 15 vjetësh, lista pozitive e barnave është përditësuar, duke ndihmuar mijëra pacientë! Vetëm këtë vit, 300 specializantë janë pranuar, dhe 300 të tjerë do të vijnë vitin e ardhshëm! Ky është një ndryshim real, që e ka sjellë VLEN, jo LSDM! Tani, shëndetësia është në duar të sigurta!”, thonë nga VLEN.

Botuar nga Flaka 22 Shkurt, 2025 22:25

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.