KQZ vendos nesër për ankesat në Çashkë, ku për herë të parë fitoi kandidati shqiptar

Botuar nga Flaka 22 Tetor, 2025 15:07

Komisioni Shtetëror i Zgjedhjeve (KSHZ) ka thirrur seancë publike për nesër, më 23 tetor 2025, me fillim në ora 12:00. Burime të “Flaka”-s bëjnë të ditur se në këtë seancë pritet të shqyrtohen ankesat e paraqitura për procesin e votimit në komunën e Çashkës – komunë ku për herë të parë në histori fitoi kandidati shqiptar.

Në prag të seancës, ka reaguar gazetari Furkan Saliu, duke paralajmëruar se çdo tentim për anulimin e votimit në Çashkë do të ishte, sipas tij, “perversitet politik”.

“Anëtarët e KSHZ-së janë përfaqësues politikë. Nëse kalon ky perversitet me Çashkën, turpi më i madh bie mbi politikën shqiptare,” – shkruan Saliu.

Ai thekson se arsyeja për anulim, sipas raportimeve, lidhet me një rast ku qytetari nuk është identifikuar nga skaneri i gishtit, megjithëse ka qenë në listë dhe ka votuar.

“Imagjinoni pse duan ta prishin Mellnicën… Qytetari nuk është gjetur nga skaneri i gishtit, por ka qenë në listë dhe ka votuar. Nëse kjo është arsyeja për ta prishur një vendvotim, atëherë 90% e vendvotimeve duhet të anulohen, sepse në secilin ka pasur problem me skanerin,” – shton ai.

Saliu i ka bërë thirrje faktorit politik shqiptar të reagojë me unitet:

“Hajde, bre, të ju shohim njëherë të bashkuar për një qëllim më të madh se politika e përditshme.”

Në fund, ai ka akuzuar VMRO-DPMNE-në se po tenton të ushtrojë presion politik ndaj komunitetit shqiptar përmes Çashkës.

“Ajo që po tenton ta bëjë VMRO-DPMNE me Çashkën është një perversion i nivelit më të ulët dhe shfaqje force ndaj shqiptarëve. Për punë të tilla bie Qeveria.

Kjo nuk është partneritet – kjo është shkelje e gjithçkaje që nuk është maqedonase.

Kjo është, në kuptimin e plotë të fjalës, realizim i sloganit ‘Povtorno tvoja’.

Për Çashkën kanë vendosur banorët e saj; politika vetëm duartroket për organizimin dhe aq,” – përfundon Saliu. Gazeta Flaka

Botuar nga Flaka 22 Tetor, 2025 15:07

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.